Sunita Williams: వెండి తెరపై ప్రేక్షకుల మనసును కొల్లగొట్టిన అంతరిక్ష సినిమాలు ఇవే..

తొమ్మిది నెలల సుదీర్ఘ నిరీక్షణ తర్వాత వ్యోమాగామి సునీతా విలియమ్స్, ఆమెతో పాటు మరో ముగ్గురు ఆస్ట్రోనాట్స్ ఈరోజు తిరిగి భూమి పైకి చేరుకోవడంపై ప్రపంచం మొత్తం ఆనందం వ్యక్తం చేస్తోంది. ఈ నేపథ్యంలో సోషల్ మీడియాలో ఎక్కడ చూసినా ఆమెకు సంబంధించిన వీడియోలు, ఫొటోలు తెగ వైరల్ అవుతున్నాయి. ఈ క్రమంలో నెటిజన్లు అంతరిక్ష్యం, అక్కడ జరిగే విషయాలను తెలుసుకోవడానికి  స్పేస్ ఆధారంగా వచ్చిన సినిమా గురించి తెగ సెర్చ్ చేస్తున్నారు. హాలీవుడ్ నుంచి టాలీవుడ్ వరకు అంతరిక్ష్యం ఆధారంగా వచ్చిన సినిమాలేంటో ఇక్కడ చూద్దాం.. 

Interstellar: 2014

అంతరిక్ష్యం నేపథ్యంలో క్రిస్టోఫర్ నోలన్ దర్శకత్వం వహించిన ఈ చిత్రం 2014లో విడుదలైంది. భూమి అంతరించే ప్రమాదంలో ఉంటుంది. ఆ సమయంలో మానవాళి మనుగడ కోసం కొత్త గ్రహాన్ని కనిపెట్టేందుకు సాటర్న్ సమీపంలోని వార్మ్ హోల్ ద్వారా వ్యోమగాముల బృందం ప్రయాణించే నేపథ్యంలో ఈ కథ సాగుతుంది. 

Gravity: 2013

2013లో విడుదలైన ఈ చిత్రాన్ని అల్ఫోన్సో కారోన్ తెరకెక్కించారు. అంత‌రిక్షంలో ఉన్న హబుల్ టెలిస్కోప్‌లో టెక్నీకల్ స‌మ‌స్య రావడంతో దానిని ప‌రిష్కారించ‌డానికి అంత‌రిక్షంలోకి వెళ్లిన నలుగురు వ్యోమగాములు భూమి పైకి ఎలా తిరిగి వచ్చారు?  అనేది ఈ సినిమా కథ. 

First Man: 

చంద్రుడిపై అడుగుపెట్టిన మొదటి మానవుడిగా చరిత్ర సృష్టించిన నీల్ ఆల్డెన్ ఆర్మ్‌స్ట్రాంగ్  జీవిత చ‌రిత్ర ఆధారంగా ఈ చిత్రం రూపొందింది. 2018లో విడుద‌లైన ఈ చిత్రం సూపర్ హిట్ గా నిలిచింది. 

A Space Odyssey: 2001

అంతరిక్ష్యం ఆధారంగా తెరకెక్కిన మొదటి హాలీవుడ్ సినిమాల్లో 'A Space Odyssey'.  వ్యోమగాములు, శాస్త్రవేత్తలు,  సూపర్ కంప్యూటర్ HAL 9000తో కలిసి  ఒక గ్రహాంతర ఏకశిలాను పరిశోధించడానికి  చేసిన ప్రయాణాన్ని అనుసరిస్తుంది ఈ చిత్రం. స్టాన్లీ కుబ్రిక్ ద‌ర్శ‌క‌త్వం ఈ సినిమాకు దర్శకత్వం వహించారు. 

అంతరిక్షం:2018

2018లో విడుదలైన ఈ చిత్రంలో వరుణ్ తేజ్, లావణ్య, అదితి రావు ప్రధాన పాత్రలో నటించారు. ఒక ఉపగ్రహాన్ని రక్షించే మిషన్ చుట్టూ ఈ సినిమా తిరుగుతుంది. ఈ సినిమా చూడాలనుకుంటే అమెజాన్ ప్రైమ్ లో అందుబాటులో ఉంది. 

Also Read:Amitabh Bachchan: 82 ఏళ్ల వ‌య‌సులో రూ. 350 కోట్ల సంపాదన.. అత్యధిక టాక్స్ కట్టిన సెలెబ్రెటీగా అమితాబ్