Smriti Irani: బుల్లితెరపై మాజీ కేంద్ర మంత్రి స్మృతి రీఎంట్రీ.. సీరియల్ ప్రోమో చూశారా !

మాజీ కేంద్ర మంత్రి స్మృతి ఇరానీ మళ్లీ బుల్లితెరపై  రీ ఎంట్రీకి సిద్ధమయ్యారు. ఒకప్పుడు స్టార్ ప్లస్‌లో ప్రసారమైన సూపర్ హిట్ సీరియల్  'క్యుంకీ సాస్ భీ కభీ బహు థీ'  సీక్వెల్ వెర్షన్ తో ప్రేక్షకుల ముందుకు రాబోతున్నారు.  ఈ సీరియల్ లో  'తులసి విరాణి'  పాత్రను తిరిగి ఆమెనే  చేయమని మేకర్స్  సంప్రదించగా..  స్మృతి ఇరానీ  అంగీకరించారు. ఈ మేరకు తాజాగా సీరియల్ ప్రోమో కూడా విడుదల చేశారు. ప్రోమోలో సాంప్రదాయ ఆభరణాలతో మెరూన్ చీర ధరించి ఆకట్టుకున్నారు స్మృతి . దాదాపు 17 ఏళ్ళ తర్వాత ఆమె మళ్ళీ బుల్లితెరపై కనిపించబోతున్నారు.  

Also Read:Hari Hara VeeraMallu: పవన్ ‘హరిహర వీరమల్లు’ ఫ్యాన్స్‌కు మరో సర్‌ప్రైజ్.. ఏంటో తెలిస్తే ఎగిరి గంతేస్తారు!

భారీ పారితోషకం..

అయితే స్మృతి  రీఎంట్రీ కోసం మేకర్స్ భారీ పారితోషకం చెల్లిస్తున్నట్లు తెలుస్తోంది. 2000లో ఈ సీరియల్లో మొదటిసారి ప్రసరమైనప్పుడు ఆమెకు ఎపిసోడ్‌కు రూ.1,800 చెల్లించారట. ఇప్పుడు ఎపిసోడ్‌కు రూ. 14 లక్షల పారితోషికం తీసుకుంటున్నట్లు నివేదికలు సూచిస్తున్నాయి. మరి ఇందులో నిజమెంత అనేది తెలియాల్సి ఉంది. 

Also Read : Chat GPT: 10 ఏళ్లుగా డాక్టర్లు గుర్తించని వ్యాధి.. క్షణాల్లో గుర్తించిన చాట్‌జీపీటీ

2000 పైగా ఎపిసోడ్లు

'క్యుంకి సాస్ భీ కబీ బహు థీ'  సీరియల్ భారత టెలివిజన్ చరిత్రలో ఒక సంచలనం సృష్టించింది.  దాదాపు 8 సంవత్సరాలు (2000 నుంచి 2008 వరకు) ప్రసారమైన ఈ సీరీయల్  ప్రేక్షకులను ఎంతగానో ఆకట్టుకుంది. 2000 ఎపిసోడ్‌లకు పైగా  సాగింది. ఒక కుటుంబ కథగా దేశవ్యాప్తంగా ప్రతి ఇంట్లోనూ  భాగమైపోయింది. ఈ సీరియల్ ద్వారానే స్మృతి ఇరానీ జాతీయ స్థాయిలో స్టార్‌డమ్ సంపాదించారు. తులసి విరాణి పాత్ర ఆమెకు ఇంటింటికీ సుపరిచితం చేసింది. ఇప్పుడు  ఈ సీరియల్ కి సీక్వెల్ వస్తుండడంతో ప్రేక్షకులు ఆనందం వ్యక్తం చేస్తున్నారు.  దీనిని  ప్రముఖ ప్రొడక్షన్ హౌస్ 'బాలాజీ టెలిఫిల్మ్స్' నిర్మించనుంది.