‘జాక్ కొంచెం క్రాక్’.. నేపాల్ షెడ్యూల్‌ కంప్లీట్

Jack Movie: యంగ్ హీరో సిద్ధు జొన్నలగడ్డ ఫుల్ ఫామ్‌లో ఉన్నాడు. ‘డీజే టిల్లు’తో బ్లాక్ బస్టర్ హిట్ కొట్టిన అనంతరం ‘టిల్లు స్క్వేర్’ మూవీతో ప్రేక్షకుల ముందుకు వచ్చాడు. భారీ అంచనాల నడుమ థియేటర్లలో రిలీజ్ అయిన ఈ సినిమా సూపర్ డూపర్ రెస్పాన్స్‌తో దూసుకుపోయింది. కనీవినీ ఎరుగని రీతిలో కలెక్షన్ల వర్షం కురిపించింది. దీంతో సిద్ధు మరిన్ని సినిమాలను లైన్‌లో పెట్టాడు. అందులో బొమ్మరిల్లు భాస్కర్ దర్శకత్వంలో ఓ మూవీ చేస్తున్నాడు.

ఇది కూడా చదవండి: దసరా కానుకగా ఓటీటీలో అక్ష‌య్ కుమార్ మూవీ.. స్ట్రీమింగ్ డేట్ ఇదే?

‘జాక్’ ‘కొంచెం క్రాక్’ అనే ట్యాగ్ లైన్‌తో ఈ సినిమా తెరకెక్కుతోంది. దీంతో సిద్ధు జొన్నలగడ్డ - బొమ్మరిల్లు భాస్కర్ కాంబోలో రూపొందుతోన్న ఈ మూవీపై భారీ అంచనాలు ఉన్నాయి. శ్రీ వెంకటేశ్వర సినీ చిత్ర బ్యానర్‌పై నిర్మాత బివిఎస్ఎన్. ప్రసాద్ భారీ స్థాయిలో నిర్మిస్తున్నారు. ప్రస్తుతం ఈ మూవీ షూటింగ్ శర వేగంగా జరుగుతుంది. 

80 శాతం షూటింగ్ కంప్లీట్

ఇటీవలే హైదరాబాద్‌లో లాంగ్ షెడ్యూల్ పూర్తి చేశారు. ఈ షెడ్యూల్‌తో దాదాపు 80 శాతం షూటింగ్ కంప్లీట్ అయింది. తాజాగా మేకర్స్ ఈ సినిమా రెండో షెడ్యూల్‌ను ప్రారంభించారు. సెప్టెంబర్ 15న నేపాల్‌లో స్టార్ట్ చేశారు. అయితే ఇప్పుడీ షెడ్యూల్ పూర్తయింది. ఈ విషయాన్ని తెలియజేస్తూ మేకర్స్ ఓ వీడియోను రిలీజ్ చేశారు. ప్రస్తుతం అందుకు సంబంధించిన వీడియో నెట్టింట ట్రెండ్ అవుతోంది. 

ఇది కూడా చదవండి: ‘విశ్వం’ ట్రైలర్ అదరహో.. కడుపుబ్బా నవ్వించే సీన్లు హైలైట్

కాగా ఈ చిత్రానికి తమిళ మ్యూజిక్ డైరెక్టర్ అచ్చు రాజమణి సంగీతం అందిస్తున్నాడు. గతంలో నేను మీకు తెలుసా, రా రా కృష్ణయ్య వంటి సినిమాలకు మ్యూజిక్ అందించి మంచి గుర్తింపు సంపాదించుకున్నాడు. కాగా ఈ మూవీ సిద్ధు జొన్నలగడ్డ సరికొత్త లుక్‌లో కనిపించనున్నాడు. ఇందులో సిద్ధు జొన్నలగడ్డ సరసన ‘బేబి’ ఫేం వైష్ణవి చైతన్య హీరోయిన్‌గా నటిస్తుంది. త్వరలోనే ఈ సినిమాకి సంబంధించిన మరిన్ని అప్డేట్‌లను మేకర్స్ అందించనున్నారు.