గేమ్ ఛేంజర్' సాంగ్.. చరణ్ డ్యాన్స్ పై సమంత కామెంట్ వైరల్

కోలీవుడ్ సెన్సేషనల్ డైరెక్టర్ శంకర్ - గ్లోబల్ స్టార్ రామ్ చరణ్ కాంబోలో తెరకెక్కుతున్న మోస్ట్ అవైటెడ్ ఫిల్మ్ 'గేమ్ ఛేంజర్'. సుమారు రూ.200 కోట్ల భారీ బడ్జెట్ తో తెరకెక్కుతున్న ఈ సినిమానుఅగ్ర నిర్మాత దిల్ రాజ్ నిర్మిస్తున్నారు. ఈ సినిమాలో బాలీవుడ్ బ్యూటీ కియారా అద్వానీ కథానాయికగా నటించగా.. నటి అంజలి మరో కీలక పాత్ర పోషిస్తుంది. 

ఇప్పటికే మూవీ నుంచి విడుదలైన ఫస్ట్ సింగిల్ 'జరగండి.. జరగండి' సాంగ్ సూపర్ హిట్ రెస్పాన్స్ సొంతం చేసుకోగా.. తాజాగా మేకర్స్ సెకండ్ సింగిల్ రిలీజ్ చేశారు. 'రా.. మచ్చ మచ్చ'  అంటూ సాగిన ఈ మాస్ బీట్ లో రామ్ చరణ్ తన ఎనర్జిటిక్ స్టెప్పులతో దుమ్ములేపారు. ఈ సాంగ్ లో రామ్ చరణ్ తో పాటు ప్రియదర్శి, కమెడియన్ సత్య కూడా స్టెప్పులేస్తూ కనిపించారు. ఈ పాట ప్రస్తుతం నెట్టింట వైరల్‌గా మారింది.

Also Read : మెగా హీరో 'మట్కా' రిలీజ్ డేట్ వచ్చేసింది.! పోస్టర్ వైరల్

అన్‌మ్యాచ్‌బుల్‌..

ముఖ్యంగా యూట్యూబ్ లో భారీ వ్యూస్ తో దూసుకుపోతోంది. ఈ క్రమంలో పాటలో రామ్‌చరణ్‌ డ్యాన్స్‌పై ఉపాసన, సమంతలు ప్రశంసలు కురిపించారు. రామ్‌చరణ్‌ తన పాటను షేర్‌ చేస్తూ.. ‘ఈ భారీ పాటను నేను ఆనందించినట్లు.. మీరూ ఆనందిస్తున్నారని ఆశిస్తున్నా’ అని రాశారు. ఈ పోస్ట్‌పై ఉపాసన స్పందిస్తూ.. మిస్టర్‌ సీ.. మీ డ్యాన్స్‌తో హై ఓల్టేజ్‌ పుట్టించారని రిప్లై ఇచ్చారు. ఇక, సమంత స్పందిస్తూ..  నిన్నెవరూ మ్యాచ్‌ చేయలేరు అంటూ.. ‘అన్‌మ్యాచ్‌బుల్‌’ అని పేర్కొన్నారు.

దానికింద ఫార్మల్‌ ప్యాంట్‌, షర్ట్‌ ధరించి ఎవరు ఇలా డ్యాన్స్‌ చేయగలరు.. అంటూ రాసుకొచ్చారు. దీంతో చరణ్ డ్యాన్స్ పై సమంత పెట్టిన కామెంట్ నెట్టింట వైరల్ అవుతోంది. కాగా రామ్ చరణ్, సమంత మధ్య మంచి బాండింగ్ ఉంది. ఈ ఇద్దరూ జంటగా 'రంగస్థలం' మూవీలో నటించారు. సుకుమార్ డైరెక్ట్ చేసిన ఈ సినిమా ఇండస్ట్రీ హిట్ గా నిలిచింది.

View this post on Instagram

A post shared by Ram Charan (@alwaysramcharan)