RT75 : ఈ దీపావళికి మోత మోగిపోద్ది.. 'RT75' నుంచి మాస్ అప్డేట్

మాస్ మహారాజా రవితేజ ప్రస్తుతం తన 75 వ సినిమా షూటింగ్ తో బిజీగా ఉన్నారు. డెబ్యూ డైరెక్టర్ భాను భోగవరపు తెరకెక్కించనున్న ఈ సినిమాని సితార ఎంటర్‌టైన్‌మెంట్స్‌ సంస్థ నిర్మిస్తోంది. #RT75 అనే వర్కింగ్ టైటిల్ తో శరవేగంగా చిత్రీకరణ జరుపుకుంటున్న ఈ సినిమా నుంచి మేకర్స్ అదిరిపోయే అప్డేట్ ఇచ్చారు.

అక్టోబర్ 30 న టైటిల్ & ఫస్ట్ లుక్..

దీపావళీ సందర్భంగా ఫ్యాన్స్‌కు అదిరిపోయే అప్‌డేట్‌ ఇవ్వనున్నారు. 'RT75' చిత్రానికి సంబంధించిన టైటిల్‌, ఫస్ట్‌ లుక్ పోస్టర్‌ను రిలీజ్ చేయనున్నట్లు మేకర్స్ ప్రకటించారు. ఈ విషయాన్ని పోస్టర్‌ ద్వారా వెల్లడించారు. బుధవారం సాయంత్రం 04:05 గంటలకు విడుదల చేస్తామని నిర్మాణ సంస్థ సితార ఎంటర్‌టైన్‌మెంట్స్‌ పోస్ట్ చేసింది.' ఈ దీపావళికి మోత మోగిపోద్ది.. మనదే ఇదంతా' అంటూ క్యాప్షన్ కూడా ఇచ్చారు. 

Also Read : 'NBK109' మూవీకి పవర్ ఫుల్ టైటిల్.. అనౌన్స్ మెంట్ ఎప్పుడంటే?

ఈ అప్డేట్ తో మాస్ మహారాజా ఫ్యాన్స్ ఫుల్ ఖుషీ అవుతున్నారు. మాస్ కమర్షియల్ ఎంటర్టైనర్ గా రూపొందుతున్న ఈ సినిమాలో శ్రీలీల మరోసారి రవితేజతో జోడి కడుతోంది. ఇప్పటికే ఈ ఇద్దరూ కలిసి నటించిన 'ధమాకా' బాక్సాఫీస్ వద్ద భారీ హిట్ అందుకుంది. సినిమాలో వీళ్లిద్దరి కెమిస్ట్రీ బాగా వర్కౌట్ అయింది.

దానికి తోడూ ఇద్దరూ మాస్ డ్యాన్స్ తో అదరగొట్టేశారు. ఇక ఇప్పుడు మరోసారి ఈ జోడి కలిసి నటిస్తుండటంతో ఈ ప్రాజెక్ట్ పై ఒక్కసారిగా అంచనాలు పెరిగిపోయాయి. వచ్చే ఏడాది సంక్రాంతి కానుకగా ఈ సినిమాను ప్రేక్షకుల ముందుకు తీసుకువచ్చేందుకు మేకర్స్ సన్నాహాలు చేస్తున్నారు. దీపావళికి విడుదల చేసే ఫస్ట్ లుక్ లో రిలీజ్ డేట్ కూడా ప్రకటిస్తారేమో చూడాలి.

Also Read : 'జై హనుమాన్' సర్ప్రైజింగ్ అప్డేట్.. హనుమంతుడిగా కనిపించేది ఎవరంటే?