Raju Weds Rambai: ‘రాజు వెడ్స్ రాంబాయి’ ఫస్ట్ వీకెండ్ కలెక్షన్ల లెక్కలివే..!

Raju Weds Rambai: ఇటీవల విడుదలైన చిన్న సినిమాల్లో ‘రాజు వెడ్స్ రాంబాయి’ ప్రేక్షకుల ప్రేమను గెలుచుకుంటోంది. చిన్న బడ్జెట్‌తో తెరకెక్కినా,  మంచి మౌత్ టాక్ తో తెచ్చుకుని బాక్సాఫీస్‌లో దూసుకుపోతోంది. దర్శకుడు సైలూ కాంపాటి తెరకెక్కించిన ఈ గ్రామీణ ప్రేమకథ మూడవ రోజుకే బలమైన వసూళ్లు సాధించింది.

మూడురోజుల మొత్తం వసూళ్లు Raju Weds Rambai Collections

మొదటి వీకెండ్ ముగిసే సరికి ఈ సినిమా రూ. 7.28 కోట్ల గ్రాస్ కలెక్షన్ సాధించినట్టు మేకర్స్ ప్రకటించారు. దీంతో సినిమా ప్రాఫిట్ జోన్‌లోకి కూడా ప్రవేశించినట్టు తెలిపారు. ప్రతీరోజు ఈ సినిమా వసూళ్లు పెరుగుతుండటం మంచిదే. అయితే అసలు పరీక్ష ఇప్పుడు మొదలవుతోంది, ఎందుకంటే సోమవారం సాధారణంగా చాలాచిత్రాలకు కలెక్షన్స్ తగ్గుతాయి. మేకర్స్ టికెట్ ధరలను కూడా కొంత పెంచినందున, ఈ నిర్ణయం కలెక్షన్లపై ఎలాంటి  ప్రభావం చూపుతుందో చూడాలి.

స్టార్ సినిమాలకు గట్టి పోటీ.. ఈ వారం విడుదలైన ఇతర సినిమాలు

• అల్లరి నరేష్ నటించిన 12A రైల్వే కాలనీ,
• ప్రియదర్శి నటించిన ప్రేమంటే,
• ETV Win రిలీజ్ చేసిన రాజు వెడ్స్ రాంబాయి

ఈ మూడు చిత్రాల్లో ‘రాజు వెడ్స్ రాంబాయి’ మాత్రమే విన్నర్‌గా నిలిచింది. మొదట రోజు నెమ్మదిగా మొదలైనా, రెండో రోజు నుంచే తెలంగాణలో భారీ గ్రోత్ వచ్చింది. ముఖ్యంగా హైదరాబాద్ నగరం సినిమా వసూళ్లకు ప్రధాన బలం ఇచ్చింది.

ఆంధ్రప్రదేశ్ లో కూడా సినిమా మంచి కలెక్షన్లు తెచ్చింది కానీ తెలంగాణతో పోల్చితే అక్కడ సంఖ్యలు కొంచెం తక్కువ. అయినా మేకర్స్ బడ్జెట్ తక్కువ పెట్టడం వలన, ఈ సినిమా వీకెండ్ ముగిసేలోపే థియేట్రికల్ ఇన్వెస్ట్‌మెంట్ మొత్తం రికవర్ చేసుకుంది.

ఈ సినిమా చివరిలో వచ్చే సెన్సేషనల్ క్లైమాక్స్ ప్రేక్షకుల చర్చకు కారణమవుతోంది. సోషల్ మీడియాలో ఈ క్లైమాక్స్‌పై చాలా మంది ప్రశంసలు కురిపిస్తున్నారు. కథలోని గ్రామీణ శైలి, సహజమైన సన్నివేశాలు, మంచి భావోద్వేగం అన్నీ ఈ సినిమాను హిట్ పథంలో పెట్టాయి.

ముఖ్య పాత్రల్లో:

• చైతన్య జొన్నలగడ్డ
• శివాజీ రాజా
• అనిత చౌదరి

అందరూ కథను బలంగా నిలబెట్టారు. సంగీతం సురేష్ బొబ్బిలి అందించగా, నిర్మాణం వేణు ఉడుగుల, రాహుల్ మొపిదేవి చేశారు. అల్లరి నరేష్ నటించిన 12A రైల్వే కాలనీ ప్రేక్షకులను ఆకట్టుకోలేకపోయింది. ఇది ఆయనకు వరుసగా ఆరవ ఫ్లాప్‌గా మారింది. అదే విధంగా, ప్రియదర్శి నటించిన ప్రేమంటే కూడా ఆశించిన స్థాయిలో రాణించలేదు. గత నెల వచ్చిన మిత్ర మండలి తర్వాత ఇది కూడా మరో నిరాశగా మారింది.

Also Read: ఎన్నికల కమిషన్ చేపట్టిన SIR అంటే ఏంటీ? రాజకీయ పార్టీల అభ్యంతరాలు దేనికి?

ఈ పరిస్థితుల్లో ఈ వారం తెలుగు బాక్సాఫీస్‌ను కాపాడిన ఏకైక సినిమా ‘రాజు వెడ్స్ రాంబాయి’ మాత్రమే. చిన్న సినిమా అయినా, మంచి కథ, బలమైన మౌత్ టాక్, గ్రామీణ స్టైల్ స్టోరీ ఇవన్నీ కలిసి దీన్ని విజేతగా నిలబెట్టాయి.

సోమవారం నుండి అసలు పరీక్ష మొదలవుతుంది. మేకర్స్ టికెట్ ధరలు పెంచిన విషయాన్ని దృష్టిలో పెట్టుకుంటే, సినిమా అదే స్థాయిలో కొనసాగుతుందా అనే ఆసక్తి ఉంది. కానీ ఇప్పటి వరకూ వచ్చిన రెస్పాన్స్  చూస్తే ‘రాజు వెడ్స్ రాంబాయి’ ఇంకా కొన్నిరోజులు బాక్సాఫీస్ వద్ద బలంగా నిలుస్తుందనే అంచనాలు ఉన్నాయి.

Also Read: మొదటి భార్యకు విడాకులు ఇవ్వకుండానే హేమమాలినిని రెండో పెళ్లి.. హగ్గుల కోసం రీ-టేక్‌లు!