Raja Saab Leak: జాగ్రత్తగా ఉండాలిగా రాజా సాబ్.. లీకైన ప్రభాస్ ఫోటోలు, వీడియోలు వైరల్!

Raja Saab Leak: పాన్ ఇండియా స్టార్ ప్రభాస్(Prabhas) నటిస్తున్న కొత్త సినిమా "ది రాజా సాబ్" షూటింగ్ వేగంగా జరుగుతోంది. మారుతి దర్శకత్వంలో రూపొందుతున్న ఈ సినిమా 2026 సంక్రాంతికి అంటే జనవరి 9న థియేటర్లలో విడుదల కావడానికి సిద్ధమవుతోంది. అయితే తాజాగా సినిమా సెట్స్‌ నుంచి కొన్ని లీక్ అయిన ఫోటోలు, వీడియోలు ఇంటర్నెట్ లో వైరల్ అవుతున్నాయి.

Prabhas shooting song for "The Raja Saab" 💥 🔥🧨.#Prabhas‌#TheRajaSaabpic.twitter.com/76oQGRcdk2

— Being Shivam (@beingshivam_90) October 9, 2025

మాస్ లుక్ లో ప్రభాస్..

లీక్ అయిన ఫోటోల్లో ప్రభాస్ ఎంతో జోలీగా, మాస్ అవతారంలో కనిపిస్తున్నాడు. ఆయన రెడ్ కలర్ షర్ట్ లో ఎంతో ఎనర్జీగా ఉన్నట్లు కనిపిస్తున్నాడు. ఇది చూసిన అభిమానులు సోషల్ మీడియాలో తెగ వైరల్ చేస్తున్నారు. ప్రభాస్ ను ఇలా కలర్ ఫుల్ గా చూడటం ఫ్యాన్స్ కు ఎంతో ప్రత్యేకంగా అనిపిస్తోంది.

View this post on Instagram

A post shared by Shouryanga_clan (@shouryanga_clan)

Also Read: బూతులు ఉంటే తప్పేంటి..? మాస్ జాతర 'ఓలే ఓలే' పాటపై రవితేజ షాకింగ్ కామెంట్స్..

ఇలా షూటింగ్ నుంచి విజువల్స్ బయటకు రావడం అభిమానులకు ఆనందం కలిగించవచ్చు కానీ, మేకర్స్ మాత్రం అలర్ట్‌గా ఉండాలి. సినిమాల్లో ఉండే సర్ప్రైజ్ ఎలిమెంట్స్, థియేటర్లో చూసేటప్పుడు కలిగే ఆనందం ఈ లీక్ ల వల్ల తగ్గే ప్రమాదం ఉంది. అందుకే సినిమా టీమ్ ఇకపై మరింత జాగ్రత్తగా వ్యవహరించాల్సిన అవసరం ఉంది.

గ్రీస్ షెడ్యూల్ అప్‌డేట్

ఈ లీక్ అయిన ఫోటోలకు సంబంధించి పీపుల్ మీడియా ఫ్యాక్టరీ కూడా అధికారికంగా స్పందించింది. సోషల్ మీడియాలో ఒక పోస్టు చేస్తూ, “రెబల్ స్టార్ ప్రభాస్, గ్రీస్‌ను తన రంగులతో నింపుతున్నాడు. రెండు చార్ట్‌బస్టర్ పాటలతో కొత్త షెడ్యూల్ మొదలైంది” అంటూ పేర్కొన్నారు. ప్రభాస్ వేసుకున్న రంగురంగుల షూస్ ఫోటోను కూడా షేర్ చేశారు.

దర్శకుడు మారుతి పుట్టినరోజు సందర్భంగా ఈ అప్‌డేట్ రావడం విశేషం. ట్రైలర్‌కి ఇప్పటికే మంచి స్పందన వచ్చింది. సినిమా హారర్, కామెడీ, యాక్షన్, రొమాన్స్ అన్నీ కలగలిపిన మాస్ ఎంటర్టైనర్‌గా తెరకెక్కుతోంది. మొదట సినిమా డిసెంబర్ 5, 2025కి అనుకున్నా, ఇప్పుడు విడుదల తేదీ జనవరి 9, 2026గా మార్చారు.

ఈ మూవీలో మాలవికా మోహనన్, నిధి అగర్వాల్, రిద్ధి కుమార్ హీరోయిన్స్ గా కనిపించనున్నారు. వీరి ముగ్గురితో  సినిమాకు గ్లామర్ టచ్, ఫ్రెష్‌నెస్ వస్తుందని టీమ్ చెబుతోంది. తమన్ ఎస్ సంగీతం అందించగా, కార్తీక్ పల్ని సినిమాటోగ్రఫీ అందిస్తున్నారు.

ఇది ప్రభాస్ కెరీర్‌లో తొలి పూర్తి స్థాయి హారర్ ఎంటర్‌టైనర్ కావడం విశేషం. ఇప్పటివరకు చేసిన ప్రాజెక్టుల కంటే ఇది పూర్తిగా కొత్తగా ఉంటుందని మేకర్స్ చెబుతున్నారు. అభిమానులు కూడా ఈ సినిమా భయాన్ని, కామెడీని, ఎమోషన్‌ను థియేటర్‌లో ఆస్వాదించేందుకు ఆసక్తిగా ఎదురు చూస్తున్నారు.