Rajasaab Run Time: ప్రభాస్ ‘ది రాజా సాబ్’ రికార్డ్ రన్‌టైమ్..? మేకర్స్ క్లారిటీ..!

Rajasaab Run Time: ప్రభాస్(Prabhas) నటిస్తున్న ‘ది రాజా సాబ్’ గురించి అనేక రకాల వార్తలు వస్తున్నాయి. ముఖ్యంగా సినిమా ఈ సంక్రాంతి భారీ నుంచి తప్పుకుంటుందన్న రూమర్లు పెరిగాయి. అయితే సినిమా టీమ్ మాత్రం విడుదల తేదీలో ఎలాంటి మార్పులు లేవని స్పష్టంగా చెబుతోంది. ఈ నేపథ్యంలో అమెరికాలో జనవరి 8, 9 తేదీలకుబుకింగ్స్ ప్రారంభమవడంతో పాటు సినిమా రన్‌టైమ్ కూడా బయటకు వచ్చింది.

ప్రభాస్ కెరీర్‌లోనే లాంగెస్ట్ సినిమా

తాజా సమాచారం ప్రకారం, ‘ది రాజా సాబ్’ మొత్తం నిడివి **3 గంటలు 15 నిమిషాలు**. ఇది వచ్చేసరికి ప్రభాస్ 24 ఏళ్ల సినీ ప్రయాణంలోనే అత్యంత పొడవైన సినిమా అవుతుంది.

ఇంతకుముందు ఆయన నటించిన ఎక్కువ నిడివి సినిమాల్లో
- ఆదిపురుష్ (2 గంటలు 59 నిమిషాలు)
-సలార్ (2 గంటలు 55 నిమిషాలు)
-కల్కి (3 గంటలు) ఉన్నాయి.

అయితే బాహుబలి రెండు భాగాల్ని కలిపి రూపొందించిన 'బాహుబలి: ది ఎపిక్' ఈ లెక్కల్లోకి రాదు.

జనవరి 8న అమెరికా ప్రీమియర్లు Rajasaab Premiere Shows

సినిమా అమెరికా ప్రీమియర్లు జనవరి 8న జరగనున్నాయి. ప్రపంచవ్యాప్తంగా చిత్రం జనవరి 9న భారీ స్థాయిలో విడుదల అవుతుంది.
ఈ సినిమా కోసం పీపుల్ మీడియా ఫ్యాక్టరీ పెద్ద బడ్జెట్‌తో నిర్మాణం చేపట్టింది.

మరుతి దర్శకత్వంలో హారర్- కామెడీ

దర్శకుడు మరుతి తెరకెక్కిస్తున్న ఈ చిత్రం హారర్- కామెడీ జానర్‌లో వస్తోంది. ప్రభాస్‌తో కలిసి మాళవిక మోహనన్, నిధి అగర్వాల్, సంజయ్ దత్, బోమన్ ఇరానీ, రిద్ధి కుమార్ ముఖ్య పాత్రల్లో కనిపించనున్నారు. మాళవిక మోహనన్ ఈ సినిమాతో తొలి తెలుగు చిత్రం చేస్తోంది.

తమన్ సంగీతం... మొదటి సింగిల్ హిట్

ఈ చిత్రానికి సంగీతాన్ని ఎస్. తమన్ అందిస్తున్నారు. ఇటీవల విడుదలైన మొదటి పాట ‘రెబెల్ సాబ్’(Rebel Saab Song)మంచి స్పందన సాధించింది. ప్రభాస్ ఎనర్జీ ఉన్న ఈ సాంగ్‌కు అభిమానుల నుంచి భారీగా లైక్‌లు వచ్చాయి.

సంక్రాంతికి బిగ్ క్లాష్!

సంక్రాంతి వారంలో ప్రభాస్ సినిమా భారీగా విడుదల అవుతున్నప్పటికీ, ఇదే సమయంలో మరికొన్ని పెద్ద సినిమాలు కూడా థియేటర్లకు రానున్నాయి. వాటిలో
-మన శంకర వరప్రసాద్ గారు
-అనగనగా ఒక రాజు
-రవితేజ నటిస్తున్న భర్త మహాసాయులకు విజ్ఞప్తి.  ముఖ్యమైనవి.

అంటే ‘ది రాజా సాబ్’ పండగ సీజన్‌లో భారీ  బాక్సాఫీస్ పోటీని ఎదుర్కోనుంది. ప్రభాస్ మాస్ ఇమేజ్, మరుతి కామెడీ స్టైల్, తమన్ సంగీతం అన్నిటి వల్ల ‘ది రాజా సాబ్’పై పెద్ద అంచనాలు ఏర్పడ్డాయి. అమెరికా బుకింగ్స్ ప్రారంభంతో సినిమా కోసం ఉన్న హైప్ మరింత పెరిగింది.