Chiru MSG: మెగాస్టార్ ‘ఎంఎస్‌జీ’ క్రేజీ అప్‌డేట్.. ‘శశిరేఖ’ వచ్చేస్తోంది..!

Chiru MSG: మెగాస్టార్ చిరంజీవి(Chiranjeevi) నటిస్తున్న కుటుంబ కథా చిత్రం ‘మన శంకర వరప్రసాద్ గారు’ (MSG) సంక్రాంతికి భారీగా విడుదల కానుంది. అనిల్ రావిపూడి ద‌ర్శ‌కత్వంలో రూపొందుతున్న ఈ చిత్రం ఇప్పటికే అభిమానుల్లో మంచి ఆసక్తిని రేపింది. నయనతార హీరోయిన్‌గా నటిస్తుండగా, సినిమా నుంచి వస్తున్న ప్రతి అప్‌డేట్ ప్రేక్షకుల్లో మరింత ఉత్సాహం పెంచుతోంది.

‘మీసాల పిల్ల’ తరువాత ‘శశిరేఖ’‌కు రెడీ అవుతున్న మూవీ టీమ్.. సినిమా నుంచి వచ్చిన మొదటి పాట ‘మీసాల పిల్ల’ పెద్ద హిట్ అయ్యింది. యూట్యూబ్‌లో మిలియన్ల సంఖ్యలో వ్యూస్ సంపాదించిన ఈ పాట తర్వాత ఇప్పుడు రెండో సింగిల్‌కు సమయం వచ్చింది.

The love for #MeesaalaPilla continues to grow each day ❤️

Now, make way for another chartbuster song from #ManaShankaraVaraPrasadGaru 🤗🫶

Second single #Sasirekha Lyrical Video on December 8th ❤️‍🔥

Song Promo on December 6th❤️

A #BheemsCeciroleo Musical💥#ChiruANIL ~ #MSG… pic.twitter.com/8By7Zanbhd

— Saravanaravikumar (@Saravanaspb) December 4, 2025

సినిమా టీమ్ ప్రకారం, రెండో పాట ‘శశిరేఖ’(Sasirekha Song) డిసెంబర్ 8, 2025న విడుదల కానుంది. దాని ప్రోమో మాత్రం డిసెంబర్ 6న రాబోతుంది. ఈ అప్డేట్‌తో పాటు చిరంజీవి- నయనతార కలిసి కనిపించే అందమైన పోస్టర్‌ను కూడా విడుదల చేశారు, ఈ పోస్టర్ సోషల్ మీడియా హంగామా చేస్తోంది.

కేరళలో చిత్రీకరించిన స్పెషల్ సాంగ్.. 

శశిరేఖ పాటను సంగీత దర్శకుడు భీంస్ సిసిరోలియో కుదిర్చారు. కొరియోగ్రఫీని భాను రూపొందించారు. ఈ పాటను కేరళలో అందమైన లొకేషన్లలో చిత్రీకరించారు. చిరంజీవి చేసిన డ్యాన్స్ స్టెప్స్ ఈ పాటలో హైలైట్‌గా ఉండబోతున్నాయని యూనిట్ సభ్యులు చెబుతున్నారు.

వెంకటేశ్‌తో(Venkatesh) కలిసి కామెడీ.. 

ఈ సినిమా మరో ప్రత్యేకత ఏమిటంటే - ఇందులో వెంకటేశ్ ఒక ముఖ్యమైన పాత్రలో కనిపిస్తారు. చాలా సంవత్సరాలుగా చిరంజీవితో కలిసి పనిచేయాలని కోరుకున్న వెంకటేశ్‌కు ఈ సినిమా ఆ అవకాశం కల్పించింది. వెంకటేశ్ తన షూటింగ్ ముగిసిన విషయాన్ని సోషల్ మీడియాలో పంచుకుంటూ, “చిరంజీవితో కలిసి పనిచేయడం ఎంతో ఆనందమైన క్షణం. ఈ సినిమా నాకు ఎన్నో మంచి జ్ఞాపకాలు ఇచ్చింది. 2026 సంక్రాంతికి ఈ చిత్రంతో ప్రేక్షకులను కలవడానికి ఎదురు చూస్తున్నా,” అని పేర్కొన్నారు. దీనికి వెంటనే చిరంజీవి స్పందిస్తూ, “నా ప్రియమైన సోదరుడు వెంకీ… ఈ సినిమాలో భాగమైనందుకు ధన్యవాదాలు. నీతో గడిపిన పది రోజుల షూటింగ్ ఎంతో ఆనందాన్నిచ్చింది,” అని తెలిపారు.

చిరు-వెంకీ కాంబోపై అనిల్ రావిపూడి ఆనందం

దర్శకుడు అనిల్ రావిపూడి ఈ ఇద్దరు స్టార్ హీరోలు కలిసి నటించడంపై తన ఆనందాన్ని వ్యక్తం చేశారు. “చిరంజీవి-వెంకటేశ్ కలిసి చేసిన కామెడీ, డ్యాన్స్ సీన్లు అద్భుతంగా ఉన్నాయి. వాటిని మాటల్లో చెప్పడం కష్టం. నా కెరీర్‌లో ఇదొక గొప్ప గౌరవం,” అని అనిల్ అన్నారు. సినిమాలో నయనతారతో పాటు కేథ‌రిన్ థ్రెసా, వీటివీ గణేష్, రేవంత్ తదితరులు కీలక పాత్రల్లో కనిపిస్తారు. రెండు పెద్ద హీరోలు, స్టార్ దర్శకుడు, పాపులర్ హీరోయిన్ - ఇలా పలు కాంబినేషన్లు కలిసిన ఈ చిత్రంపై భారీ అంచనాలు ఉన్నాయి.

ఈ చిత్రాన్ని షైన్ స్క్రీన్స్, గోల్డ్ బాక్స్ ఎంటర్‌టైన్‌మెంట్ సంయుక్తంగా నిర్మిస్తున్నారు. మొదటి పాట భారీ సక్సెస్ కావడం, పాటల మీద వస్తున్న స్పందన, చిరంజీవి-వెంకటేశ్ కలిసి కనిపించడంపై ఉన్న ఆసక్తి అన్ని కలిపి ఈ సినిమా కోసం ప్రేక్షకుల ఎదురుచూపులు మరింత పెంచాయి. సినిమా విడుదల తేదీని త్వరలో అధికారికంగా ప్రకటించే అవకాశం ఉంది. కానీ సంక్రాంతి 2026లో ఈ చిత్రం థియేటర్లలో సందడి చేయడం ఖాయం అని ఇప్పటికే వినిపిస్తోంది.

మెగాస్టార్ స్టైల్, నయనతార గ్లామర్, వెంకటేశ్ ప్రత్యేక పాత్ర, అనిల్ రావిపూడి కమర్షియల్ టచ్ ఇవన్నీ కలిసిన నేపథ్యంలో 'మన శంకర వరప్రసాద్ గారు' 2026 సంక్రాంతికి పెద్ద బ్లాక్‌బస్టర్‌గా నిలిచే అవకాశాలు కనిపిస్తున్నాయి.