నందమూరి ఫ్యామిలీ నుంచి మరో ఎన్టీఆర్.. ఆల్ ది బెస్ట్ చెప్పిన తారక్

తెలుగు సినీ పరిశ్రమ లో నందమూరి ఫ్యామిలీ కి భారీ గుర్తింపు ఉంది. స్వర్గీయ నందమూరి తారకరామారావు గారి తర్వాత ఆయన కుమారులు బాలకృష్ణ, హరికృష్ణ హీరోలుగా మెప్పించగా.. ఇప్పుడు బాలయ్యతో పాటూ హరికృష్ణ వారసులైన జూనియర్ ఎన్టీఆర్, కళ్యాణ్ రామ్ ఇండస్ట్రీలో హీరోలుగా భారీ స్టార్ డం తో కొనసాగుతున్నారు. ఇక ఇప్పుడు ఇదే ఫ్యామిలీ నుంచి మరో హీరో ఇండస్ట్రీకి ఎంట్రీ ఇవ్వబోతున్నాడు. 

అతను మరెవరో కాదు నందమూరి హరికృష్ణ మనవడు, జానకిరామ్‌ కుమారుడు.. తారక రామారావు.. ఒకప్పటి స్టార్ డైరెక్టర్ వైవీఎస్ చౌదరి ఈ సినిమాను డైరెక్ట్ చేస్తున్నారు. తాజాగా తారక రామారావు కు సంబంధించి ఇంట్రడక్షన్ వీడియోను రిలీజ్ చేశారు. ఇందులో అతను స్టైలిష్ లుక్ లో కనిపించి ఆకట్టుకున్నాడు.

Also Read : చైతూ - శోభిత పెళ్లి తేదీ ఖరారు.. ఎప్పుడు, ఎక్కడంటే?

‘న్యూ టాలెంట్‌ రోర్స్‌’ పతాకంపై వైవీఎస్ చౌదరి సతీమణి గీత ఈ చిత్రాన్ని నిర్మిస్తున్నారు. అయితే తారక రామారావు మూవీ ఎంట్రీ పై జూనియర్‌ ఎన్టీఆర్‌ ఆల్‌ ది బెస్ట్ చెబుతూ పోస్ట్‌ చేశారు. ఎన్టీఆర్ తన ట్వీట్‌లో రాస్తూ..'రామ్ మొదటి అడుగుకు  ఆల్ ది బెస్ట్. 

Also Read : 'కంగువా' మూవీ టీమ్ కు బిగ్ షాక్.. అతని ఆకస్మిక మరణంతో?

ఆ నమ్మకం నాకుంది..

ఈ సినిమా ప్రపంచం నిన్ను ఆదరించడానికి లెక్కలేనన్ని క్షణాలను అందజేస్తుంది. నీకు విజయం తప్పకుండా వస్తుంది. మీ ముత్తాత ఎన్టీఆర్ , తాత హరికృష్ణ , నాన్న జానకిరామ్ అన్నల ప్రేమ, ఆశీస్సులతో  ఉన్నత శిఖరాలకు చేరుకుంటారన్న నమ్మకం నాకుంది' అంటూ పోస్ట్ చేశారు. దీంతో తారక్ పోస్ట్ నెట్టింట వైరల్ గా మారింది.