బుజ్జితల్లి వచ్చేసింది.. హార్ట్ టచింగ్ గా 'తండేల్' ఫస్ట్ సింగిల్

నాగ చైతన్య 'లేటెస్ట్ మూవీ 'తండేల్' నుంచి ఫస్ట్ సింగిల్ వచ్చేసింది. చెప్పినట్లు గానే మేకర్స్ ఈ రోజు (నవంబర్ 21)సాయంత్రం 5:15 గంటలకు 'బుజ్జితల్లి' సాంగ్ రిలీ చేశారు. ఇక సాంగ్ అయితే చాలా ఎమోషనల్ గా సాగింది. 'గాలిలో ఊగిసలాడే దీపంలా.. ఊగిసలాడే నీ ఊసందాక నాప్రాణం..' అంటూ మొదలైన ఈ పాట హార్ట్ ను మెల్ట్ చేసే విధంగా ఉంది. 

మెలోడీ లవర్స్ కు ఫేవరెట్..

శ్రీమణి లిరిక్స్ రాసిన ఈ పాటను జావేద్ అలీ ఎంతో అద్భుతంగా పాడారు.  దేవీశ్రీ ప్రసాద్ మ్యూజిక్ పాటను మరింత ఎమోషనల్ గా మార్చాయి. ఈ లిరికల్ సాంగ్ చూస్తుంటే ఈ నాగ  చైతన్య, సాయి పల్లవి పాత్రల మధ్య ప్రేమతో పాటూ సాయి పల్లవి నాగ చైతన్య కోసం ఎదురుచూస్తున్నట్టు చూపించారు. మొత్తంగా 'బుజ్జితల్లి' సాంగ్ మెలోడీ లవర్స్ కు ఫేవరెట్ గా మారడం గ్యారెంటీగా కనిపిస్తోంది. 

Also Read : కలిసి ఉండలేం, మాకు విడాకులు ఇచ్చేయండి.. కోర్టులో ధనుష్, ఐశ్వర్య

ఇక తండేల్ విషయానికొస్తే.. నాగ చైతన్య కెరీర్ లో 23వ సినిమాగా తెరకెక్కుతున్న ఈ చిత్రానికి చందు మొండేటి దర్శకత్వం వహిస్తున్నారు. శ్రీకాకుళంలో జరిగిన ఓ వాస్తవ సంఘటన ఆధారంగా ఈ మూవీ రూపొందుతోంది. ఇందులో చైతూ సరసన సాయి పల్లవి హీరోయిన్ గా నటిస్తోంది. 

'కస్టడీ' మూవీతో డిజాస్టర్ అందుకున్న నాగ చైత్యన్య ఈ మూవీతో కచ్చితంగా కం బ్యాక్ ఇవ్వాలని సినిమా కోసం భారీగానే కష్టపడ్డాడు. అల్లు అరవింద్ సమర్పణలో జీఏ 2 పిక్చర్స్ బ్యానర్ లో బన్నీ వాస్ ఈ చిత్రాన్ని నిర్మిస్తున్నారు. వచ్చే ఏడాది ఫిబ్రవరి 7 న ఈ సినిమా ప్రేక్షకుల ముందుకు రానుంది.