సాయి పల్లవికి కొత్త బిరుదు ఇచ్చిన నాగ చైతన్య.. ఏంటో తెలుసా?

మలయాళ హీరోయిన్ సాయి పల్లవికి టాలీవుడ్ లో ఎలాంటి క్రేజ్ ఉందో తెలిసిందే. 'ఫిదా' సినిమాతో తెలుగు ప్రేక్షకులకు దగ్గరైన ఈమె.. చాలా తక్కువ సినిమాలతోనే స్టార్ హీరోయిన్ గా పాపులారిటీ సంపాదించుకుంది. మన ఇండస్ట్రీలో సాయి పల్లవికి ఇప్పటికే రెండు బిరుదులు ఉన్నాయి. ఫ్యాన్స్ ఏమో న్యాచురల్ బ్యూటీ అని, ఇండస్ట్రీకి చెందిన వాళ్ళు లేడి పవర్ స్టార్ అనే ట్యాగ్స్ ఇచ్చారు. 

క్వీన్ ఆఫ్ బాక్సాఫీసెస్..

ఇక తాజాగా అక్కినేని హీరో మాత్రం సాయి పల్లవికి మరో కొత్త ట్యాగ్ ఇచ్చాడు. నిన్న 'తండేల్' సినిమా రిలీజ్ డేట్ అనౌన్స్ ప్రెస్ మెట్ జరిగిన విషయం తెలిసిందే. ఈ ప్రెస్ మీట్ లో నిర్మాత బన్నీ వాసు.. 'అమరన్' సక్సెస్ గురించి చెప్తూ సాయి పల్లవి 'క్వీన్ ఆఫ్ బాక్సాఫీసెస్' అని తనకు ఒకరు చెప్పారు అని తెలిపాడు. ఆ తర్వాత నాగచైతన్య కూడా సాయి పల్లవిని 'క్వీన్ ఆఫ్ బాక్సాఫీసెస్' అని అన్నాడు. 

Also Read : రిలీజ్ కు ముందే 'పుష్ప2' ఆల్ టైమ్ రికార్డ్..!

దీంతో ఫ్యాన్స్.. 'క్వీన్ ఆఫ్ బాక్సాఫీసెస్' అనే ట్యాగ్ ను సాయి పల్లవికి జత చేస్తూ సోషల్ మీడియా మొత్తం వైరల్ చేస్తున్నారు. ఈ కొత్త ట్యాగ్ సాయి పల్లవికి సరిగ్గా సూట్ అవుతుందని నెట్టింట పోస్టులు పెట్టి మరీ తమ ఆనందాన్ని వ్యక్తం చేస్తున్నారు. కాగా సాయి పల్లవి ఇటీవల 'అమరన్' సినిమాలో తన నటనతో అందర్నీ కన్నీళ్లు పెట్టించింది. 

బాక్సాఫీస్ వద్ద ఈ చిత్రం ఏకంగా రూ.150 కోట్లు కలెక్ట్ చేసి బ్లాక్ బస్టర్ హిట్ గా నిలిచింది. ఇక తెలుగులో లాంగ్ గ్యాప్ అనంతరం 'తండేల్' సినిమాతో ప్రేక్షకుల ముందుకు రానుంది సాయి పల్లవి. నాగ చైతన్య హీరోగా నటిస్తున్న ఈ మూవీకి చందూ మొండేటి దర్శకత్వం వహిస్తున్నారు. వచ్చే ఏడాది ఫిబ్రవరి 7 న ఈ చిత్రం ప్రేక్షకుల ముందుకు రానుంది.

Also Read :  ఒకరు ఆవలిస్తే మనం ఎందుకు ఆవలిస్తాం..ఇది అంటువ్యాధా?