కొత్త సినిమా అనౌన్స్ చేసిన నాగ చైతన్య.. ఈసారి మైథలాజికల్ థ్రిల్లర్ తో

అక్కినేని హీరో నాగచైతన్య ప్రస్తుతం చందు మొండేటి ద‌ర్శ‌క‌త్వంలో 'తండేల్' మూవీలో న‌టిస్తున్న విషయం తెలిసిందే. గీతా ఆర్ట్స్ బ్యాన‌ర్ పై బ‌న్నివాసు నిర్మిస్తున్న ఈ చిత్రం శ్రీకాకుళం లో జరిగిన ఓ యదార్థ సంఘటన ఆధారంగా తెరకెక్కుతోంది. 2025 ఫిబ్రవరి 7 న ఈ సినిమా ప్రేక్షకుల ముందుకు రానుంది. 

కాగా నేడు చైతూ బర్త్ డే సందర్భంగా అతని కొత్త సినిమా అనౌన్స్ మెంట్ వచ్చింది. 'తండేల్' తర్వాత చైతూ నెక్స్ట్ ప్రాజెక్ట్   విరూపాక్ష' మూవీ ఫేమ్ కార్తీక్ దండు దర్శకత్వంలో ఉండబోతుంది. తాజాగా ఈ ప్రాజెక్ట్ ను అఫీషియల్ గా అనౌన్స్ చేస్తూ పోస్టర్ రిలీజ్ చేశారు.

Also Read : బుమ్రా దెబ్బకు ఆసీస్ బ్యాటర్లు గజగజ.. 104 ఆలౌట్!

ఆసక్తి పెంచేలా ఫస్ట్ లుక్..

ఈ పోస్టర్‌లో ఒక అద్భుతమైన కన్ను ప్రతీకతో పాటు, రాక్ క్లైంబింగ్ టూల్స్‌తో ఓ పర్వతంపై నిలబడి ఉన్న నాగ చైతన్య కనిపించారు. ఈ పోస్టర్ సినిమాపై ఆసక్తి రేకెత్తించేలా ఉంది. ‘#NC24’ పేరుతో ఇది రూపొందుతుంది. ఇదొక మైథలాజిక‌ల్ థ్రిల్ల‌ర్ అని చిత్ర బృందం తెలిపింది. 

వెంకటేశ్వర సినీ చిత్ర (ఎస్‌వీసీసీ), సుకుమార్ రైటింగ్స్ సంయుక్తంగా నిర్మిస్తున్న ఈ చిత్రానికి కాంతార, విరూపాక్ష సినిమాలకు సంగీతం అందించిన అజనీష్ లోకనాథ్ స్వరాలు సమకూరుస్తున్నారు. కాగా ఈ సినిమాకు సంబంధించిన మరిన్ని వివరాలను మూవీ టీమ్ త్వరలోనే తెలుపనుంది. 

ఇది కూడా చదవండి: అంధులకు దారి చూపించే AI కళ్లద్దాలు.. చదివిస్తాయి కూడా