MEGA 157 : ఇట్స్ అమేజింగ్..  అనిల్, చిరు సినిమాకు అదిరిపోయే టైటిల్ ఫిక్స్!

అనిల్ రావిపూడి దర్శకత్వంలో మెగాస్టార్ చిరంజీవి నటిస్తున్న 157వ సినిమాకి ఇంకా అధికారిక టైటిల్ ఖరారు కాలేదు. దీనికి 'మెగా 157' అనే వర్కింగ్ టైటిల్‌తో షూటింగ్ జరుగుతోంది. అయితే, ఈ సినిమాకు "మన శంకరవరప్రసాద్" అనే టైటిల్‌ను పరిశీలిస్తున్నట్లుగా వార్తలు వస్తున్నాయి. ఇది చిరంజీవి అసలు పేరు కావడంతో, అభిమానుల్లో ఈ టైటిల్ పట్ల ఆసక్తి, కొద్దిపాటి చర్చ జరుగుతోంది.  చిరంజీవి పుట్టినరోజు సందర్భంగా ఆగస్టు 22న సినిమా టైటిల్‌ను, ఫస్ట్ గ్లింప్స్‌ను విడుదల చేసే అవకాశం ఉందని సమాచారం.

మన శంకరవరప్రసాద్ గారు
టైటిల్ అయ్యుంటుంది సార్

— SSR (@sattireddy3779) July 11, 2025

ప్రస్తుతం  సినిమా షూటింగ్ వేగంగా జరుగుతోంది. ఇప్పటికే రెండు షెడ్యూల్స్ పూర్తయ్యాయి. ఇందులో చిరంజీవి సరసన నయనతార హీరోయిన్‌గా నటిస్తుండగా, కేథరీన్ థెరిస్సా కూడా మరో కీలక పాత్రలో కనిపించనుంది. ఈ సినిమాలో విక్టరీ వెంకటేష్‌తో ఒక అతిథి పాత్ర చేయిస్తున్నారని వార్తలు వస్తున్నాయి. ఈ సినిమాను 2026 సంక్రాంతికి విడుదల చేయడానికి సన్నాహాలు చేస్తున్నారు. ఈ సినిమాలో 70% కామెడీ, 30% ఎమోషనల్ డ్రామా ఉంటుందని దర్శకుడు అనిల్ రావిపూడి వెల్లడించారు.

#Megaanil title మన శంకరవరప్రసాద్ గారు

— NaaNI (@cultfan07) July 11, 2025

చిరంజీవి డ్యూయెల్ రోల్

చిరంజీవి డ్యూయెల్ రోల్ చేస్తున్నారని కూడా కొన్ని వార్తలు సూచిస్తున్నాయి. ఈ చిత్రంలో చిరంజీవి ఒక స్కూల్ డ్రిల్ మాస్టర్‌గా శివశంకర వరప్రసాద్‌గా కనిపించనున్నారని కూడా ఒక టాక్ ఉంది. ఈ సినిమా చిరంజీవికి కొత్త లుక్, డిక్షన్, బాడీ లాంగ్వేజ్‌తో ఒక ప్రత్యేకమైన పాత్రలో చూపించబోతుందని చిత్రబృందం అంచనా వేస్తోంది. "మన శంకరవరప్రసాద్" అనే టైటిల్ పట్ల అభిమానుల్లో కొంత ఉత్కంఠ ఉన్నప్పటికీ, చిత్రబృందం అధికారికంగా ప్రకటించే వరకు వేచి చూడాల్సిందే.

Also Read :   TV actress : వరకట్న వేధింపులు.. సీరియల్ నటిని పొడిచి పొడిచి భర్త పరార్!