'రాజా సాబ్' లో ప్రభాస్ అలాంటి రోల్ లో కనిపిస్తారు : మాళవిక మోహనన్

పాన్ ఇండియా హీరో ప్రభాస్ నటిస్తున్న లేటెస్ట్ మూవీస్ లో 'ది రాజా సాబ్' ఒకటి. మారుతి డైరెక్ట్ చేస్తున్న ఈ సినిమాలో డార్లింగ్ సరసన మలయాళ బ్యూటీ మాళవిక మోహనన్‌, ఇస్మార్ట్ భామ నిధి అగర్వాల్, రిద్దీ కుమార్ ఫీ మేల్ లీడ్ రోల్స్‌లో నటిస్తున్నారు. రీసెంట్ గానే ఈ మూవీ నుంచి గ్లింప్స్ రిలీజ్ చేశారు. ఇందులో డార్లింగ్ ప్రభాస్ వింటేజ్ లుక్ లో రొమాంటిక్ బాయ్ గా కనిపించి ఆకట్టుకున్నారు.

ప్రస్తుతం ఈ సినిమా చిత్రీకరణ చివరి దశలో ఉంది. అయితే ఈ ప్రాజెక్ట్‌ గురించి మాళవిక మోహనన్‌ ఓ ఇంటర్వ్యూలో సినిమా గురించి ఆసక్తికర విషయాలు పంచుకున్నారు. ముఖ్యంగా సినిమాలో ప్రభాస్ ఎలాంటి రోల్ లో కనిపిస్తాడో రివీల్ చేసేసింది." రాజాసాబ్‌ షూటింగ్ పూర్తయే దశలో ఉంది. ఈ మూవీ రొమాంటిక్ కామెడీ జోనర్‌లో రాబోతున్న హార్రర్ సినిమా. ప్రభాస్‌ సార్‌తో ఈ సినిమా చేయడం ఎక్జయిటింగ్‌గా ఉంది. ఆయన చాలా ఫన్నీ అండ్‌ జోవియల్‌గా సాగే పాత్రలో కనిపించబోతున్నారు. ఈ సారి ప్రేక్షకులు ప్రభాస్‌ను కొత్తగా చూడబోతున్నారు.." అని  చెప్పింది. దీంతో మాళవిక కామెంట్స్ నెట్టింట వైరల్ గా మారాయి.

We're almost done with shoot of #TheRajaSaab and it's releasing in April. It's light hearted romantic comedy horror films. I'm very excited it's with #Prabhas sir. He's playing a funny jovial role so it'll be different for audience too seeing him♥️ - #MalavikaMohanan pic.twitter.com/ohIivSqDDT

— prabhas (@salaarthesega81) October 3, 2024

టీజర్ వచ్చేది అప్పుడే?

ప్రభాస్ బర్త్ డే అయిన అక్టోబర్ 23 న 'రాజా సాబ్' టీజర్ రిలీజ్ చేసేందుకు మేకర్స్ ప్లాన్ చేస్తున్నారట. ఫ్యాన్స్ కోసం టీజర్ ను బర్త్ డే గిఫ్ట్ గా ఇవ్వనుందట 'రాజా సాబ్' టీమ్. నవంబర్ కల్లా షూటింగ్ పార్ట్ అంతా కంప్లీట్ చేసి.. డిసెంబర్ నుంచి ప్రమోషన్స్ స్టార్ట్ చేయాలను మేకర్స్ ప్లాన్ చేస్తున్నట్లు సమాచారం.  పీపుల్ మీడియా ఫ్యాక్టరీ పాన్ ఇండియా స్థాయిలో నిర్మిస్తున్న ఈ చిత్రం వచ్చే ఏడాదిఏప్రిల్‌ 10న ప్రేక్షకుల ముందుకురానుంది.