MAD 3 Update: 'మ్యాడ్ 3' షూటింగ్ స్టార్ట్! రిలీజ్ ఎప్పుడంటే..?

MAD 3 Update: యూత్‌ఫుల్ కామెడీ డ్రామాగా ప్రేక్షకుల్ని అలరించిన సినిమా 'మ్యాడ్' (MAD) బాక్సాఫీస్ దగ్గర సూపర్ హిట్ విజయాన్ని అందుకుంది. ఇందులో నర్నే నితిన్, రామ్ నితిన్, సంగీత్ సోభన్ ముఖ్య పాత్రల్లో నటించారు. ఈ సినిమా పెద్దగా హైప్ లేకుండానే విడుదలై, మంచి కలెక్షన్లు అందుకున్న తర్వాత మేకర్స్ వెంటనే సీక్వెల్‌కి గ్రీన్ సిగ్నల్ ఇచ్చారు.

మ్యాడ్ స్క్వేర్‌కు మంచి రెస్పాన్స్

'మ్యాడ్' సక్సెస్‌కి సీక్వెల్‌ గా వచ్చిన 'మ్యాడ్ స్క్వేర్ (Mad²)' సినిమా మిక్స్డ్ టాక్ పొందినా, కమర్షియల్‌గా మంచి విజయం సాధించింది. ఈ భాగంలో విష్ణు ఓయి పాత్రకు పెద్దగా స్కోప్ రావడం విశేషం. ఆయన నటన కూడా ప్రేక్షకుల్ని ఆకట్టుకుంది.

మ్యాడ్ 3 షూటింగ్ స్టార్ట్

ఇటీవల తన కొత్త సినిమా 'మిత్ర మండలి' ప్రమోషన్స్‌లో పాల్గొన్న విష్ణు ఓయి, మ్యాడ్ 3 గురించి ఆసక్తికర విషయాలు వెల్లడించాడు. ఆయన మాట్లాడుతూ, 'మ్యాడ్ 3' షూటింగ్ ఇప్పటికే మొదలైందని చెప్పారు. ఇంకా, త్వరలో ఈ మూడో భాగానికి సంబంధించి అధికారిక అప్‌డేట్ రానుందని తెలిపారు.

'MAD 3' షూట్ చేస్తున్నాం..!!

- Vishnu Oi#MithraMandali Trailer Launch Event pic.twitter.com/rsxlFkAXq0

— idlebrain.com (@idlebraindotcom) October 8, 2025

మ్యాడ్ క్యూబ్ 2026 సమ్మర్ రిలీజ్?

ఇప్పటికే ఫ్యాన్స్‌లో 'మ్యాడ్ 3' పై మంచి హైప్ నెలకొంది. ఫ్రాంచైజీకి కొనసాగింపుగా రాబోతున్న ఈ మూడో భాగాన్ని 'మ్యాడ్ క్యూబ్ (Mad³)' అనే టైటిల్‌తో తీసుకువస్తున్నారని టాక్. ఇది 2026 వేసవిలో విడుదలయ్యే అవకాశం ఉందని ఫిల్మ్ సర్కిల్స్ చెబుతున్నాయి.

ఈ సిరీస్‌ని గత రెండు భాగాలు వలే నాగ వంశీ, సాయి సౌజన్య నిర్మిస్తున్నారు. వీరిద్దరి బ్యానర్లైన సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ మళ్లీ చేతులు కలిపాయి.

కామెడీ + యూత్ ఫుల్ ఎంటర్‌టైన్‌మెంట్

‘మ్యాడ్’ ఫ్రాంచైజీ మొదటి నుండి కామెడీ, కాలేజ్ లైఫ్, ఫ్రెండ్‌షిప్ థీమ్‌లతో యూత్‌కి కనెక్ట్ అయ్యింది. మూడో భాగంలో మరింత వినోదం, కొత్త పాత్రలు, సరదా సన్నివేశాలు ఉండబోతున్నాయని టాక్.

మొత్తానికి, మ్యాడ్ 3 షూటింగ్ మొదలవ్వడంతో అభిమానుల్లో అంచనాలు పెరుగుతున్నాయి. త్వరలోనే టైటిల్, పోస్టర్, రిలీజ్ డేట్‌పై క్లారిటీ వచ్చే అవకాశం ఉంది.