Air Pollution: వాయు కాలుష్యంతో చిన్నపిల్లల్లో బ్రెయిన్ సమస్యలు .. తాజా అధ్యయనాల్లో షాకింగ్ విషయాలు !

వాయు కాలుష్యానికి ఎక్కువ కాలం గురికావడం వల్ల మీ మెదడు ఆరోగ్యాన్ని కూడా దెబ్బతీస్తుందట. ముఖ్యంగా పిల్లలకు మరింత హానీ కలిగిస్తుందని పరిశోధకులు చెబుతున్నారు.

బాల్యంలో వాయు కాలుష్యానికి ఎక్కువ కాలం గురికావడం వల్ల యుక్తవయస్సులో చిత్తవైకల్యం వచ్చే ప్రమాదం ఉందని కొన్ని అధ్యయనాలు వెల్లడించాయి.

కలుషితమైన గాలిలో ఆరోగ్యానికి హాని కలిగించే చిన్న చిన్న కణాలు ఉంటాయి. ఇవి ఊపిరితిత్తులలోకి సులభంగా ప్రవేశించి రక్తంలో కలిసిపోతాయి.

అదే సమయంలో ఈ కణాలు మెదడుకు కూడా చేరి అక్కడ వాపు, మంటను కలిగిస్తాయి. దీనివల్ల మెదడు కణాలు దెబ్బతిని జ్ఞాపకశక్తి, ఆలోచన సామర్థ్యం తగ్గిపోతుంది. దీని కారణంగా డిమెన్షియా(చిత్తవైకల్యం) ప్రమాదం గణనీయంగా పెరుగుతుంది .

కలుషితమైన గాలిలో PM2.5 (fine particulate matter), నైట్రోజన్ ఆక్సైడ్ పరిమాణం గణనీయంగా పెరుగుతుంది. దీనివల్ల మెదడు ఆరోగ్యం క్రమంగా దెబ్బతింటుంది.

అయితే పిల్లల్లో బ్లడ్ బ్రెయిన్ బ్యారియర్ అప్పటికే పూర్తిగా అభివృద్ధి చెందదు. దీని కారణంగా కాలుష్య కారకాలు సులభంగా మెదడులోకి ప్రవేశిస్తాయి. బ్లడ్ బ్రెయిన్ బ్యారియర్ అనేది రక్త నాళాలు, కణజాలాల నెట్‌వర్క్.. ఇది మెదడుకు అవసరమైన వాటిని మాత్రమే లోపలి పంపుతుంది.

కలుషిత ప్రాంతానికి వెళ్ళేటప్పుడు ఎల్లప్పుడూ N-95 లేదా N-99 మాస్క్ ధరించండి. ఇంట్లో ఎయిర్ ప్యూరిఫైయర్ ఉపయోగించండి. ఈ పరికరాలు గాలిలో ఉండే కాలుష్య కారకాలను తొలగించడం ద్వారా గాలిని శుభ్రపరుస్తాయి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.