కొండా సురేఖ సమంతను పొగిడింది.. సంచలంగా మారిన RGV ఆడియో క్లిప్

తెలంగాణ రాష్ట్ర మంత్రి కొండా సురేఖ బుధవారం కేటీఆర్‌ పై విమర్శలు చేస్తూ టాలీవుడ్‌ కి చెందిన నాగచైతన్య, సమంతలని ఉద్దేశించి పలు ఆరోపణలు చేసిన సంగతి తెలిసిందే. ఆమె వ్యాఖ్యలు కాస్త ఇటు రాజకీయ వర్గాల్లో, అటు ఇండస్ట్రీ వర్గాల్లో తీవ్ర దుమారం రేపాయి. ఇప్పటికే ఆమె చేసిన వ్యాఖ్యలపై సినీ స్టార్స్ ఒక్కొక్కరుగా స్పందిస్తూ కొండా సురేఖపై దుమ్మెత్తి పోస్తున్నారు. 

ఇదే వివాదంపై డైరెక్టర్ రామ్ గోపాల్ వర్మ ఓ ఆడియో క్లిప్ రిలీజ్ చేశారు. అందులో ఆయన కొండా సురేఖ.. సమంతను అవమానించలేదు, పొగిడారని అన్నాడు." కొండా సురేఖ.. సమంతకు క్షమాపణ చెప్పడం నాకు నచ్చలేదు. అసలు సమంతను ఆమె ఎక్కడ అవమానించలేదు, పొగిడారు. 

సమంతను పొగిడింది..

ఆమె చెప్పిందేంటి.. నాగార్జున, నాగ చైతన్య ఇద్దరూ కలిసి ఒక మామగా, ఒక భర్తగా ..కోడల్ని తనకున్న ఆస్తిని కాపాడుకోవడానికి వెళ్ళమని బలవంతం చేస్తే, ఆమె కాదని చెప్పి విడాకులిచ్చి వెళ్ళిపోయింది. అక్కడ సమంతకు అవమానం ఏంటి? ఆమెను పొగిడినట్లు కదా! అవమానించింది నాగార్జున, నాగ చైతన్యలను. అసలు దాని గురించి ఎవరూ మాట్లాడటం లేదు. 

 

అక్కినేని ఫ్యామిలీ కి ఉన్న హుందాతనం, ఇండస్ట్రీలో వాళ్లకున్న పేరు ప్రఖ్యాతలు పక్కనపెడితే.. ఏ ఇంట్లో అయినా ఒక మామ, భర్తపై ఇలాంటి ఆరోపణ నా జీవితంలో లేదు. ఇలాంటివి మళ్ళీ జరగగకుండా దీన్ని చాలా సీరియస్ గా తీసుకోవాలి. ఇండస్ట్రీ కోసం, ప్రజలందరి కోసం సీరియస్ గా తీసుకోని మర్చిపోలేని గుణపాఠం చెప్పాలని కోరుతున్నా" అని అన్నారు.

Also Read :  తొక్క తీస్తాం..కొండాసురేఖ ఎపిసోడ్‌లో టాలీవుడ్‌ పెద్దల రియాక్షన్ ఇదే!