Junior OTT: 'జూనియర్' వచ్చేస్తున్నాడు.. OTT స్ట్రీమింగ్ ఎక్కడంటే..?

Junior OTT: యువ హీరో కిరీటి రెడ్డి, శ్రీలీల జంటగా నటించిన ‘జూనియర్’ సినిమా థియేటర్ రన్ పూర్తి చేసుకొని OTT రిలీజ్ కు సిద్ధమైంది. మొదట ఈ చిత్రం సెప్టెంబర్ 22, 2025న ఓటీటీ వేదికగా విడుదల కావాల్సి ఉండగా, ఊహించని కారణాల వల్ల ఆ తేదీన స్ట్రీమింగ్ జరగలేదు. 

అయితే, ఇప్పుడు ఒక క్లారిటీ వచ్చేసింది. ప్రముఖ తెలుగు ఓటీటీ ప్లాట్‌ఫార్మ్ ఆహా (Aha), కన్నడ ఓటీటీ నమ్మా ఫ్లిక్స్ (Namma Flix) ద్వారా ఈ సినిమా సెప్టెంబర్ 30, 2025న స్ట్రీమింగ్ కానుంది. తెలుగు, కన్నడ భాషల్లో ఒకేసారి విడుదలవుతుండడం విశేషం.

"వైరల్ వయ్యారి".....

ఈ సినిమాతో గాలి జనార్దనరెడ్డి కుమారుడు కిరీటి రెడ్డి హీరోగా టాలీవుడ్‌లోకి ఎంట్రీ ఇచ్చారు. ఆయనకు జోడీగా శ్రీలీల కనిపించగా, హీరోయిన్ జెనీలియా ఓ కీలక పాత్రలో నటించారు. కాలేజ్ లవ్ స్టోరీ నేపథ్యంలో మొదలయ్యే ఈ చిత్రం, తరువాత ఎమోషనల్ యాక్షన్ డ్రామాగా మారుతుంది. సంగీతం దేవిశ్రీ ప్రసాద్ అందించిన పాటలు ఇప్పటికే యువతలో మంచి క్రేజ్ తెచ్చుకున్నాయి, ముఖ్యంగా "వైరల్ వయ్యారి" అనే పాట యూట్యూబ్‌లో ట్రెండ్ అయిన సంగతి తెలిసిందే.

థియేటర్లలో రిలీజ్ అయినప్పుడు సినిమా పెద్దగా ఆకట్టుకోకపోయినప్పటికీ, ఓటీటీ ప్రేక్షకులను ఎంతవరకు ఆకట్టుకుంటుందో చూడాలి. ప్రముఖ నిర్మాణ సంస్థ వారాహి చలనచిత్రం బ్యానర్‌పై రూపొందిన ఈ చిత్రం, డిజిటల్ వేదికపై ఎలా ఫర్‌ఫామ్ చేస్తుందో సెప్టెంబర్ 30న తేలిపోతుంది. OTT రిలీజ్ తో ఇప్పుడు ప్రేక్షకులు ‘జూనియర్’ సినిమాను తమ ఇంట్లోనే చూసే అవకాశం పొందనున్నారు.