PM Modi Birthday: "మోదీజీ చెప్పిన మాటలు నా జీవితాన్ని మార్చేశాయి": నాగార్జున

PM Modi Birthday: తెలుగు ఫిల్మ్ ఇండస్ట్రీ కింగ్ గా పేరు పొందిన నటుడు నాగార్జున అక్కినేని, దేశ ప్రధానమంత్రి నరేంద్ర మోదీ గారి పుట్టినరోజు సందర్భంగా ఓ స్పెషల్ వీడియోను షేర్ చేశారు. సెప్టెంబర్ 17న మోదీ 75వ పుట్టినరోజు(PM Modi 75th Birthday) జరుపుకోనుండగా, నాగార్జున ఆయనకు ముందుగానే హృదయపూర్వక శుభాకాంక్షలు తెలిపారు.

As Shri @narendramodi ji approaches his 75th birthday, I look back at my very first meeting with him in 2014 — a moment of inspiration, kindness & life lessons. Wishing him an early happy birthday with prayers for his good health & continued leadership. #MYMODISTORY#ModiAt75… pic.twitter.com/Ycimd66sMd

— Nagarjuna Akkineni (@iamnagarjuna) September 16, 2025

ఈ సందర్భంగా నాగార్జున తనకు మోదీ గారితో 2014లో జరిగిన మొదటి భేటీ జ్ఞాపకాలను పంచుకున్నారు. ఆ సందర్భం తనకు ఎంతో ప్రత్యేకమైందని అన్నారు.

Nagarjuna Special Video on PM Modi

నాగార్జున మాట్లాడుతూ, తనకు ప్రధాని మోదీ గారిని కలవాలనే కోరిక అప్పుడే ఉండేదని, వారు చేసిన అభివృద్ధి పనులను గమనిస్తూ ఉండేవాడినని తెలిపారు. ఓ రోజు నిజంగానే గుజరాత్‌లోని గాంధీనగర్‌కి వెళ్లి మోదీ గారిని కలిసే అవకాశం వచ్చింది.

ఆ సమయంలో మోదీ గారు నాగార్జున గురించి ఎంతో ప్రేమగా మాట్లాడుతూ, “నా కుటుంబ మిత్రులు నీ గురించి మంచి మాటలు చెప్పారు. మీకు ఎవరూ తెలియనప్పటికీ, చిన్న పిల్లలు ఫొటోలు అడిగితే వెంటనే అంగీకరించారని చెప్పారు,” అని మోదీ గారి మాటలను గుర్తు చేసుకున్నారు.

Also Read: వైజాగ్ లో అల్లు అర్జున్ AAA సినిమాస్.. ఓపెనింగ్ ఎప్పుడంటే..?

ఆ సమావేశంలో మోదీ గారు చెప్పిన ఓ ముఖ్యమైన విషయం తనకు జీవితాంతం గుర్తుండిపోతుందన్నారు నాగార్జున: “అహంకారాన్ని ఎప్పుడూ దూరంగా ఉంచు, మానవత్వం, కరుణ ఇవి మన జీవితంలో చాలా ముఖ్యం” అన్న మాటలు తన మనసులో పదిలంగా ఉన్నాయని తెలిపారు.

అంతేకాకుండా, ఆ సమావేశానికి మోదీ గారే అడిగారని, ఇదంతా సహజంగానే జరిగిందని చెబుతూ ఆ జ్ఞాపకాన్ని మరోసారి గుర్తు చేసుకున్నారు.

తన తండ్రి అక్కినేని నాగేశ్వరరావు గారి శతజయంతి సంవత్సరంలో, మోదీ గారు ‘మన్ కి బాత్’ కార్యక్రమంలో ఆయన పేరు ప్రస్తావించారని నాగార్జున ఆనందంతో గుర్తు చేసుకున్నారు. “ఇండియన్ సినిమాకు ఆయన చేసిన సేవలు చాలా గొప్పవని మోదీ గారు చెప్పినప్పుడు ఎంతో గర్వంగా అనిపించింది,” అని వెల్లడించారు.

"భారతదేశానికి మోదీ గారి సేవలు మరుపరానివి"

మోదీ గారి జీవితాన్ని పరిశీలిస్తే, ఆయన ఎన్నో త్యాగాలు చేసిన వ్యక్తి అని నాగార్జున అభిప్రాయపడ్డారు. “తన వ్యక్తిగత జీవితం, కుటుంబాన్ని పక్కన పెట్టి దేశ సేవ కోసం తన జీవితాన్ని అంకితం చేశారు. దేశాన్ని గొప్పగా చేయాలనే ఒక్క లక్ష్యంతో పని చేశారు,” అని చెప్పారు.

“మోడీజీ మళ్లీ రావాలి” – నాగార్జున 

వీడియో చివర్లో నాగార్జున మోదీ గారికి శుభాకాంక్షలు తెలుపుతూ, “మీరు ఆరోగ్యంగా ఉండాలని కోరుకుంటున్నాం… కానీ అంతకన్నా ఎక్కువగా, మళ్లీ మీరు రావాలని, దేశానికి మీరు కావాలని కోరుకుంటున్నాం,” అని అన్నారు.

తన సోషల్ మీడియాలో కూడా, ఈ జ్ఞాపకాన్ని పంచుకుంటూ,
#MYMODISTORY #ModiAt75 #HappyBirthdayModiji అనే హ్యాష్‌ట్యాగ్‌లతో ఆయనకు ముందస్తు పుట్టినరోజు శుభాకాంక్షలు చెప్పారు.

మొత్తానికి, తెలుగు సినీ నటుడు నాగార్జున ప్రధాని మోదీ 75వ పుట్టినరోజు సందర్భంగా ఆయన్నిఎంత గౌరవిస్తున్నారో, ఆయన జీవన విధానాన్ని ఎంత ప్రేరణగా భావిస్తున్నారో ఓ వీడియోతో తెలియజేశారు. అహంకారం వదిలి, మానవత్వం కలిగి ఉండాలి అనే మోదీ గారి మాటలు తనపై చెరగని ముద్ర వేశాయని చెప్పారు.