'విశ్వం' నుంచి మాస్ సాంగ్.. గోపీచంద్, కావ్య థాపర్ డ్యాన్స్ అదుర్స్

మ్యాచో హీరో గోపీచంద్ - శ్రీను వైట్ల కాంబినేషన్ లో తెరకెక్కిన తాజా చిత్రం ‘విశ్వం’. ఈ సినిమా భారీ బడ్జెట్‌తో తెరకెక్కుతోంది. కామెడీ, యాక్షన్, ఎంటర్‌టైన్‌మెంట్ జానర్‌లో ఈ సినిమా ప్రేక్షకుల ముందుకు రాబోతుంది. ప్రముఖ అగ్ర బ్యానర్ పీపుల్ మీడియా ఫ్యాక్టరీ, చిత్రాలయం స్టూడియోస్ బ్యానర్లపై టీజీ విశ్వప్రసాద్, దోనేపూడి చక్రపాణి నిర్మిస్తున్నారు. అక్టోబర్ 11 న ఈ సినిమా ప్రేక్షకుల ముందుకు రాబోతుంది.

కాగా ఇప్పటికే ఈ సినిమా నుంచి విడుదలైన పోస్టర్లు, గ్లింప్స్, సాంగ్స్, టీజర్, ట్రైలర్ ఇలా ప్రతీది అంచనాలు పెంచేశాయి. ఇక మేకర్స్ తాజాగా మరో అప్డేట్‌తో సినీ ప్రియుల్లో జోష్ పెంచారు. ఈ మూవీ నుంచి మాస్‌ సాంగ్‌ను మేకర్స్‌ విడుదల చేశారు. 'గుంగురు గుంగురు పార్టీ' అంటూ సాగే ఈ సాంగ్‌ ను యంగ్ మ్యూజిక్ డైరెక్టర్ భీమ్స్ సిసిరోలియా కంపోజ్ చేశారు. నిజానికి 'విశ్వం' మూవీకి చేతన్ భరద్వాజ్ సంగీతం సమకూర్చారు. 

Also Read : తీవ్ర అనారోగ్యం బారిన పడ్ద పవన్ కళ్యాణ్.. ఆందోళనలో అభిమానులు

స్పెషల్ అట్రాక్షన్ గా..

కానీ ఈ ఒక్క సాంగ్ ను మాత్రం మేకర్స్ స్పెషల్ గా భీమ్స్ తో కంపోజ్ చేయించడం విశేషం. ఇక సాంగ్ లో  గోపీచంద్, కావ్యా థాపర్ మాస్ డ్యాన్స్ తో ఆదరగొట్టేసారు. అలాగే కావ్య థాపర్ అయితే తన అంద చందాలతో ఓ రేంజ్ లో రచ్చ చేసింది. భీమ్స్ స్వయంగా పాడిన ఈ పాటకు సురేశ్‌ గంగుల సాహిత్యం అందించారు. సినిమాలో ఈ పాట స్పెషల్ అట్రాక్షన్ గా నిలవడం గ్యారెంటీ అని చెప్పొచ్చు. ప్రస్తుతం ఈ మాస్ సాంగ్ సోషల్ మీడియాలో వైరల్ అవుతోంది.