SSMB29 : అదిరిపోయే అప్‌డేట్‌ ఇచ్చిన రాజమౌళి.. ఈ రోజు ఫస్ట్ లుక్ రిలీజ్

సూపర్ స్టార్ మహేష్ బాబు, దర్శకధీరుడు ఎస్.ఎస్. రాజమౌళి కాంబినేషన్‌లో రాబోతున్న భారీ ప్రాజెక్ట్ SSMB29 కోసం యావత్ ప్రపంచ సినీ అభిమానులు ఆసక్తిగా ఎదురుచూస్తున్నారు. ఈ నేపథ్యంలో, రాజమౌళి తాజాగా ఈ సినిమా గురించి అదిరిపోయే అప్‌డేట్‌ను ఇచ్చి అభిమానులను సర్‌ప్రైజ్ చేశారు. ఈ సినిమాలో మళయాళీ నటుడు పృథ్వీరాజ్‌ సుకుమారన్‌ ఓ కీలక పాత్రలో కనిపించనున్న విషయం తెలిసిందే. నేడు ఆయన లుక్‌ను విడుదల చేయనున్నట్లు రాజమౌళి తన సోషల్ మీడియా వేదికగా వెల్లడించారు. 

Amidst the climax shoot on set with all three, there’s a lot more prep happening around the #GlobeTrotter event, as we’re trying something far beyond what we’ve done before…

Can’t wait for you all to experience it on Nov 15th. Leading up to it, we’re filling your week with a…

— rajamouli ss (@ssrajamouli) November 7, 2025

‘‘ ఈ సినిమాలోని మూడు ప్రధాన పాత్రలతో క్లైమాక్స్‌ షూట్‌ జరుగుతోంది. మరోవైపు #GlobeTrotter ఈవెంట్‌ కోసం పనులు శరవేగంగా జరుగుతున్నాయి. ఇంతకు ముందెన్నడూ చూడనివిధంగా ఇది మీ ముందుకు రానుంది. నవంబర్‌ 15న మీరంతా ఈ ఈవెంట్‌ను చాలా ఎంజాయ్‌ చేస్తారు. ఆరోజు కోసం నేను కూడా ఎదురుచూస్తున్నాను. దానికంటే ముందు మీరు ఈ వారమంతా మరింత హుషారుగా ఉండేందుకు నేడు పృథ్వీరాజ్‌ ఫస్ట్‌లుక్‌ను విడుదల కానుందని రాజమౌళి తన పోస్ట్‌లో రాసుకొచ్చారు. 

గ్లోబల్ అడ్వెంచర్ థ్రిల్లర్‌గా

ఇక SSMB29 సినిమా షూటింగ్ 2026లో ప్రారంభం కానుంది. రాజమౌళి, ఈ సినిమా ప్రీ-ప్రొడక్షన్ (Pre-Production) పనులపై దాదాపు సంవత్సరానికి పైగా సమయాన్ని వెచ్చిస్తున్నారు. స్క్రిప్ట్, నటీనటుల ఎంపిక, లోకేషన్ల ఫైనలైజేషన్ వంటి పనులను పకడ్బందీగా పూర్తి చేయాలని ఆయన భావిస్తున్నారు. ప్రేక్షకులకు ఇది మునుపెన్నడూ చూడని అడ్వెంచర్ అనుభూతిని ఇవ్వడం ఖాయమని ఓ ఇంటర్వ్యూలో రాజమౌళి తెలిపారు. ప్రస్తుతం టాలీవుడ్‌లో వినిపిస్తున్న సమాచారం ప్రకారం, ఈ సినిమా ఒక గ్లోబల్ అడ్వెంచర్ థ్రిల్లర్‌గా ఉండనుంది. ఈ సినిమాను ప్రపంచవ్యాప్తంగా అగ్రశ్రేణి సాంకేతిక నిపుణులతో అత్యంత భారీ బడ్జెట్‌తో నిర్మించనున్నారు.