'జై హనుమాన్' లో మరో స్టార్ హీరో.. ప్రశాంత్ వర్మ ప్లానింగ్ వేరే లెవెల్

'హనుమాన్' తో పాన్ ఇండియా సక్సెస్ అందుకున్న టాలెంటెడ్ డైరెక్టర్ ప్రశాంత్ వర్మ.. ఈ సినిమాకు కొనసాగింపుగా 'జై హనుమాన్' అనే ప్రాజెక్ట్ తెరకెక్కిస్తున్న విషయం తెలిసిందే. ఇటీవల దీపావళి సందర్భంగా ఈ సినిమాలో హనుమంతుడి పాత్రను రివీల్ చేస్తూ ఫస్ట్ లుక్ పోస్టర్ రిలీజ్ చేశారు. కన్నడ స్టార్ హీరో రిషబ్ శెట్టి ఈ మూవీలో హనుమంతుడి పాత్ర పోషిస్తున్నట్లు ప్రకటించడంతో సినిమాపై మరింత హైప్ పెరిగింది. 

దగ్గుబాటి రానా కూడా..

అయితే ఆయనతో పాటూ ఇప్పుడు మరో స్టార్ హీరో కూడా 'జై హనుమాన్' లో భాగం కాబోతున్నాడు. ఈ విషయాన్ని డైరెక్టర్ ప్రశాంత్ వర్మ స్వయంగా రివీల్ చేశారు. ఆ స్టార్ హీరో మరెవరో కాదు మన టాలీవుడ్ హంక్ దగ్గుబాటి రానా. డైరెక్టర్ ప్రశాంత్ వర్మ.. దగ్గుబాటి రానా, రిషబ్‌శెట్టితో కలిసి దిగిన ఫొటోను పంచుకున్నారు.

Also Read : శివరాత్రికి 'తమ్ముడు' వస్తున్నాడు.. నితిన్ కొత్త సినిమా పోస్టర్ అదుర్స్

అంతేకాదు, దానికి ‘జై జై  హనుమాన్‌’ అని క్యాప్షన్‌ ఇస్తూ రిషబ్‌శెట్టి, రానా దగ్గుబాటి, ప్రశాంత్‌ సినిమాటిక్‌ యూనివర్స్‌ను కోట్‌ చేశారు. ఈ పోస్ట్‌ ప్రస్తుతం సోషల్ మీడియాలో తెగ వైరల్‌ అవుతోంది. రానా లాంటి స్టార్ హీరో ఈ ప్రాజెక్ట్‌లో భాగం అయ్యారంటే సినిమాలో అతనిది కచ్చితంగా ఏదో మలుపు తిప్పే పాత్రే అయి ఉంటుందని టాక్ వినిపిస్తోంది.

శ్రీరాముడికి హనుమంతుడు ఇచ్చిన మాట ఏంటి? దాన్ని నిలబెట్టుకోవడానికి ఏం చేశాడు? అనే పాయింట్ తో ఈ సినిమా ఉండబోతోంది. మైత్రీ మూవీ మేకర్స్ నిర్మిస్తున్న ఈ సినిమా వచ్చే ఏడాది సంక్రాంతి కానుకగా ప్రేక్షకుల ముందుకు రానుంది.

Also Read : రెండో సారి కూడా ఆ పని చేసే అమ్మాయితోనే డైరెక్టర్ క్రిష్ పెళ్లి..?

Also Read : తెలంగాణ కొత్త సీఎం, డిప్యూటీ సీఎంలు వీరే?

Also Read: చంద్రబాబు మాయలో పవన్.. YCP సంచలన ట్వీట్!