బిగ్ బాస్ లో వైల్డ్ కార్డ్స్ హంగామా షురూ.. ఫస్ట్ వచ్చేది ఎవరంటే?

Bigg Boss 8 Telugu: బిగ్ బాస్ తెలుగు సీజన్ 8 అనుకున్నంత స్థాయిలో ఆడియన్స్ ను ఆకట్టుకోలేకపోతోంది. అందుకు ప్రధాన కారణం ఎవ్వరికీ తెలియని వాళ్ళను హౌస్ లోకి పంపించడమే. దానికి తోడు ఈసారి టాస్కులు కూడా రసవత్తరంగా సాగడం లేదు. అయితే గత వారం మాత్రం బిగ్ బాస్.. ఈసారి హౌస్ లో ఏకంగా 13 వైల్డ్ కార్డ్ ఎంట్రీలు ఉంటాయని, వాటిని ఆపేందుకు హౌస్ లో ఉన్న కంటెస్టెంట్స్ కొన్ని టాస్కుల్లో గెలవాలని కండీషన్ పెట్టాడు. 

మరోవైపు గత వారం సోనియా ఎలిమినేట్ అయిపోయింది. ఈ వారం మిడ్ వీక్ ఎలిమినేషన్ ఉంటుందని హోస్ట్ నాగార్జున ఇప్పటికే బాంబు పేల్చారు. అందుకు తగ్గట్లే ఈసారి నామినేషన్స్‌లో ఉన్న ఆరుగురిలో ఎవరు ఎలిమినేట్ అవుతారా అనేది సస్పెన్స్‌గా మారింది. ఇలాంటి తరుణంలో బిగ్ బాస్ వైల్డ్ కార్డ్ ఎంట్రీలకు రంగం సిద్ధం చేసినట్లు తెలుస్తోంది. 

ఫస్ట్ కంటెస్టెంట్ అతనేనా?

తాజాగా తొలి కంటెస్టెంట్ ఎవరో చెప్పుకోండి చూద్దాం అని నిర్వాహకులు నీడతో ఉన్న ఫొటోని రిలీజ్ చేశారు. అయితే ఈ ఫొటోను చూసిన నెటిజన్స్.. ఇది గత సీజన్‌లో పాల్గొన్న టేస్టీ తేజనే అని కామెంట్స్ చేస్తున్నారు. తేజతో పాటు యాంకర్ రవి, ముక్కు అవినాష్, నయని పావని, హరితేజ, రోహిణి.. ఇలా పలువురు పేర్లయితే వినిపిస్తున్నాయి. 

Also Read: వరద సహాయం నిధులు విడుదల చేసిన కేంద్రం.. తెలుగు రాష్ట్రాలకు ఎంతంటే!

వీళ్లలో ఎవరెవరు వైల్డ్ కార్డ్ ఎంట్రీ ద్వారా హౌస్ లోకి వస్తారనేది ఈ వీకెండ్ కల్లా తెలిసే ఛాన్స్ ఉంది. అయితే ఎంత మందిని వైల్డ్ కార్డ్ తో హౌస్ లోకి తీసుకొస్తారనేది సర్వత్రా ఆసక్తికరంగా మారింది. మరి వైల్డ్ కార్డ్ ద్వారా వచ్చే కంటెస్టెంట్స్ అయినా ఆడియన్స్ ను ఎంటర్టైన్ చేస్తారేమో చూడాలి.