వెంకటేష్‌, అనిల్ రావిపూడి మూవీ సెట్స్‌లో బాలయ్య రచ్చ.. వీడియో వైరల్

టాలీవుడ్ సీనియర్ స్టార్స్ విక్టరీ వెంకటేష్, నందమూరి బాలకృష ఒకే చోట కలుసుకున్నారు. లాంగ్ గ్యాప్ తర్వాత ఈ ఇద్దర్ని ఒకే ఫ్రేమ్ లో చూసి ఫ్యాన్స్ ఫుల్ ఖుషీ అవుతున్నారు. ఇంతకీ ఈ సీనియర్ హీరోలు ఎక్కడ కలిశారు? వివరాల్లోకి వెళ్తే.. అనిల్ రావిపూడి - వెంకటేష్ కాంబోలో హ్యాట్రిక్ ఫిలిం తెరకెక్కుతున్న సంగతి తెలిసిందే. 

ఈ మూవీ షూటింగ్ శరవేగంగా సాగుతోంది. ఇప్ప‌టికే తెలంగాణ మహిళా విశ్వవిద్యాలయంలో ఉన్న ద‌ర్బార్ హాల్‌లో ఫ‌స్ట్ షెడ్యూల్ షూటింగ్ కంప్లీట్ చేసుకున్న ఈ చిత్రం ప్ర‌స్తుతం రామోజీ ఫిలిం సిటీలో షూటింగ్ జ‌రుపుకుంటుంది. అయితే ఈ సెట్స్‌లో నంద‌మూరి బాల‌కృష్ణ వచ్చి అంద‌రికి స‌ర్‌ప్రైజ్ ఇచ్చాడు. అనంత‌రం వెంక‌టేశ్, అనిల్ రావిపూడితో క‌లిసి ముచ్చటించాడు బాల‌య్య.

Also Read : లడ్డూ వివాదం, లిమిట్స్ లో ఉండండి.. ప్రకాష్ రాజ్ కు మంచు విష్ణు వార్నింగ్

బాలయ్య రచ్చ మాములుగా లేదుగా..

ఇక బాల‌య్య సెట్స్‌కి వ‌చ్చిన ఫొటోలతో పాటూ ఓ వీడియోను మూవీ టీమ్ సోష‌ల్ మీడియా వేదిక‌గా పంచుకుంది. ఇక వీడియోలో బాలయ్య రచ్చ మాములుగా లేదు. ఆయన సెట్స్ లో అడుగుపెట్టగానే అనిల్ రావిపూడిని సరదాగా ఆటపట్టించడం, ఆ తర్వాత నటీ , నటులను కలుసుకోవడం, వెంకటేష్ తో సరదా సంభాషణ ఇలా తనదైన స్టైల్ లో మూవీ టీమ్ లో హుషారు నింపారు. 

ఈ వీడియోలో బాలయ్య న్యూ లుక్ కు ఫ్యాన్స్ ఫిదా అవుతున్నారు. ఇక అనిల్ రావిపూడి - వెంకటేష్ మూవీ విషయానికొస్తే.. ఇప్ప‌టికే వీరిద్ద‌రి కాంబోలో వ‌చ్చిన ఎఫ్2, ఎఫ్3 చిత్రాలు మంచి విజ‌యాల‌ను అందుకున్నాయి. ఈసారి మరింత ఎంటర్టైన్మెంట్ తో రాబోతున్నారు. ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై దిల్‌ రాజు నిర్మిస్తున్నారు. భారీ బ‌డ్జెట్‌తో వ‌స్తున్న ఈ చిత్రం కామెడీ అండ్ యాక్ష‌న్ ఎంట‌ర్‌టైన‌ర్‌గా రానుంది. వచ్చే ఏడాది సంక్రాంతి కానుకగా ఈ సినిమా ప్రేక్షకుల ముందుకు రానుంది.