నందమూరి బాలకృష్ణ వ్యాఖ్యాతగా వ్యవహరిస్తున్న 'అన్స్టాపబుల్' టాక్ షో ఆహా ఓటీటీ వేదికపై విజయవంతంగా కొనసాగుతోంది. ఇప్పటికే మూడు సీజన్లు పూర్తి చేసుకున్న ఈ టాక్ షో ప్రస్తుతం నాలుగో సీజన్ను ప్రసారం చేస్తోంది. ఈ సీజన్లో ఆరు అప్పుడే ఆరు ఎపిసోడ్లు స్ట్రీమింగ్ అయ్యాయి.
ఏడవ ఎపిసోడ్కు విక్టరీ వెంకటేష్ అతిథిగా విచ్చేశారు. ఆయన నటిస్తున్న 'సంక్రాంతికి వస్తున్నాం' మూవీ ప్రమోషన్స్ లో భాగంగా వెంకటేష్ ఈ కార్యక్రమంలో పాల్గొన్నారు. తాజాగా ఆహా ఈ ఏడవ ఎపిసోడ్కు సంబంధించిన ప్రోమోను విడుదల చేశారు. ప్రోమోలో బాలకృష్ణ, వెంకటేష్ను వేదికపైకి ఆహ్వానించారు.
The ultimate Sankranti celebration is here with our Telugu OGs.#UnstoppableWithNBK Season 4, Episode 7 premieres on Dec 27th at 7 PM! @ahavideoIN #UnstoppableWithNBKS4 #Aha @VenkyMama #NandamuriBalakrishna #VenkateshDaggubati #UnstoppableS4 #NBK #Sankranthi @AnilRavipudi pic.twitter.com/vePW0V4U4t
— ahavideoin (@ahavideoIN) December 24, 2024
' పోటీనా మనం... ఒకరికి ఒకరికి' అంటూ బాలకృష్ణ వెంకటేష్ను ప్రశ్నించగా, దానికి వెంకటేష్ 'ఎక్కడమ్మా పోటీ?' అని బదులిచ్చారు. ప్రోమోను చూస్తుంటే, ఈ ఎపిసోడ్లో సరదా కబుర్లతో పాటు కొన్ని ఎమోషనల్ విషయాలను కూడా వెంకటేష్ పంచుకున్నట్లు తెలుస్తోంది. ఇక ఈ ప్రోమో చివర్లో దర్శకుడు అనిల్ రావిపూడి కూడా కనిపించారు. డిసెంబర్ 27న రాత్రి 7 గంటలకు ఆహాలో ఈ ఎపిసోడ్ ప్రసారం కానుంది.
