Follow Us
HIT 3 Ticket Price సూపర్ హిట్ ఇన్వెస్టిగేటివ్ థ్రిల్లర్ 'హిట్' ఫ్రాంచైజీలో భాగంగా రాబోతున్న లేటెస్ట్ మూవీ 'హిట్ 3'. శైలేష్ కొలను దర్శకత్వంలో నాని లీడ్ రోల్లో నటించిన ఈ చిత్రం మే1న థియేటర్స్ లో విడుదల కానుంది. ఈ నేపథ్యంలో నిర్మాతలకు ఏపీ ప్రభుత్వం గుడ్ న్యూస్ చెప్పింది. టికెట్ ధరలు పెంచుకునేందుకు అనుమతి ఇచ్చింది. సింగిల్ స్క్రీన్స్ రూ. 50 పెంచగా.. మల్టీ ప్లెక్స్ లలో రూ. 75 విత్ GST పెంచుకునేలా ఆదేశాలు జారీ చేసింది. ఈ ధరలు విడుదలైన తేదీ నుంచి 7 రోజుల పాటు మాత్రమే కొనసాగుతాయని తెలిపింది ప్రభుత్వం. ఇదిలా ఉంటే తెలంగాణలో టికెట్ ధరల పెంపునకు అవకాశం లేకపోయింది.
#HIT3:
— KLAPBOARD (@klapboardpost) April 30, 2025
With the recent ticket price hikes in #AndhraPradesh, advance bookings will begin soon.
Revised Ticket Prices:
🎟️Single Screens – ₹50 hike
🎫Multiplexes – ₹75 hike pic.twitter.com/TGqAtFkArn
భారీ అంచనాలు..
ఇప్పటికే మూవీ నుంచి విడుదలైన సాంగ్స్, టీజర్, ఇతర ప్రమోషనల్ కంటెంట్ సినిమాపై భారీ హైప్ క్రియేట్ చేశారు. నాని కూడా ఈ సినిమా ఖచ్చితంగా ప్రేక్షకులకు నచ్చేలా ఉంటుందని ధీమా వ్యక్తం చేశారు. దీంతో చూసేందుకు ఆసక్తిగా ఎదురుచూస్తున్నారు ఫ్యాన్స్. ఇప్పటికే అడ్వాన్స్ బుకింగ్స్ మొదలవగా.. టికెట్లు హాట్ కేక్స్ లా అమ్ముడవుతున్నాయి. ఈ చిత్రంలో నాని పోలీస్ ఆఫీసర్ పాత్రలో కనిపించబోతున్నారు. ఇప్పటివరకు సింపుల్ గా, ఫ్యామిలీ అబ్బాయిలా కనిపించిన నానిని.. ఇందులో ఒక వైలెంట్ క్యారెక్టర్ లో చూడబోతున్నట్లు తెలుస్తోంది. వాల్ పోస్టర్ బ్యానర్ పై నాని స్వయంగా ఈ చిత్రాన్ని నిర్మించారు.
ప్యారడైస్
ఇదిలా ఉంటే ఈ సినిమా తర్వాత 'ప్యారడైస్' అంటూ మరో డిఫరెంట్ కాన్సెప్ట్ తో రాబోతున్నారు నాని. దసరా ఫేమ్ శ్రీకాంత్ ఓదెల ఈ చిత్రానికి దర్శకత్వం వహిస్తున్నారు. ఇటీవలే ఈ మూవీ నుంచి చిన్న గ్లిమ్ప్స్ వీడియో రిలీజ్ చేయగా.. అందులో నాని లుక్ ఇంటర్నెట్ ని షేక్ చేసింది.
cinema-news | latest-news
Also Read: Naga chaithanya తండ్రి కాబోతున్న నాగచైతన్య.. ఆనందంలో అక్కినేని కుటుంబం..?
