Takshakudu: ‘తక్షకుడు’గా ఆనంద్ దేవరకొండ.. రిలీజ్ ప్లానింగ్ తెలిస్తే షాకే..!

Takshakudu: యంగ్ హీరో ఆనంద్ దేవరకొండ(Anand Deverakonda) మరో విభిన్న కథతో ప్రేక్షకుల ముందుకు రాబోతున్నారు. ఇప్పటి వరకు తన కెరీర్‌లో విలక్షణమైన పాత్రలను ఎంచుకుంటూ, కథాబలంతో కూడిన సినిమాలపై దృష్టి పెట్టిన ఆనంద్, ఈసారి ఓటీటీ వేదికగా ప్రేక్షకులను ఆకట్టుకోవాలని సిద్ధమవుతున్నారు.

It started with atyasa, and prateekaram will follow. 🤝
Watch Takshakudu, coming soon, only on Netflix.#TakshakuduOnNetflix#ananddeverakondapic.twitter.com/l70y835Xwi

— The Cine Gossips (@TheCineGossips) October 13, 2025

తక్షకుడు.. ఓటీటీ ఫ్లాట్‌ఫారమ్‌లో

ఆనంద్ ప్రధాన పాత్రలో రూపొందుతున్న ఈ కొత్త చిత్రం పేరు ‘తక్షకుడు’. ఈ సినిమా ప్రముఖ స్ట్రీమింగ్ ప్లాట్‌ఫారమ్ నెట్‌ఫ్లిక్స్లో విడుదల కానుంది. థియేటర్లకు బదులుగా,  నేరుగా ఓటీటీలో రిలీజ్ కావడం విశేషం.

“వేటగాడి చరిత్రలో జింక పిల్లలే నేరస్థులు..” 

ఈ సినిమాకి సంబంధించిన ఫస్ట్ లుక్ పోస్టర్‌ను చిత్రబృందం తాజాగా రిలీజ్ చేసింది. అందులో కనిపించే డైలాగ్ “వేటగాడి చరిత్రలో జింక పిల్లలే నేరస్థులు..” అనే పదాలు సినిమాపై ఆసక్తిని పెంచుతున్నాయి. ఇందులో ఓ లోతైన సందేశం ఉందని, కథలో న్యాయం, అన్యాయం మధ్య పోరాటం నేపథ్యంలో ఈ లైన్ ఉండవచ్చని భావిస్తున్నారు.

ఈ చిత్రానికి వినోద్ దర్శకత్వం వహిస్తున్నారు. ఇప్పటివరకు వచ్చిన పోస్టర్, టీజర్ లుక్స్ చూస్తే, ఇది సాధారణ యాక్షన్ సినిమా కాదనే విషయం స్పష్టంగా తెలుస్తోంది. ఇందులో ఆనంద్ డిఫరెంట్ షేడ్స్ ఉన్న పాత్రలో కనిపించనున్నట్టు సమాచారం. సినిమాకి సంబంధించిన పూర్తి వివరాలు, విడుదల తేదీ గురించి త్వరలోనే అధికారికంగా ప్రకటించనున్నారు.

ఇప్పటి తరం ప్రేక్షకులు ఓటీటీపై ఎక్కువ ఆసక్తి చూపుతున్న నేపథ్యంలో, ఆనంద్ దేవరకొండ కూడా ఈ మారుతున్న ట్రెండ్‌ను గుర్తించి, మంచి కంటెంట్‌తో ముందుకు రావడంపై సినీ వర్గాలు ప్రశంసిస్తున్నాయి. "తక్షకుడు" సినిమాతో ఆయన మరొక మంచి చిత్రాన్ని అందిస్తారనే నమ్మకంతో అభిమానులు ఎదురు చూస్తున్నారు. ‘తక్షకుడు’ అనేది ఒక డిఫరెంట్ కాన్సెప్ట్ మూవీ. "జింక పిల్లలే నేరస్థులా?" అనే ప్రశ్నతో ప్రారంభమయ్యే ఈ కథ ఎంత థ్రిల్లింగ్‌గా ఉంటుందో త్వరలోనే మనం నెట్‌ఫ్లిక్స్లో చూడొచ్చు.