Mithra Mandali Premieres: "మిత్ర మండలి" స్పెషల్ ప్రీమియర్ షోలు.. ఇదిగో ఫుల్ డిటైల్స్

Mithra Mandali Premieres: ఈ దీపావళి సందర్భంగా ప్రేక్షకులను అలరించేందుకు కొత్త సినిమా "మిత్ర మండలి" థియేటర్లకు రావడానికి సిద్ధమవుతోంది. ఈ చిత్రంలో ప్రియదర్శి, నిహారిక NM జంటగా నటిస్తున్నారు. ఈ మూవీ విజయేంద్ర దర్శకత్వంలో రూపొందుతోంది. సినిమాను కళ్యాణ్ మంథెన, భాను ప్రతాప్, డా. విజయేంద్ర రెడ్డి తీగల సంయుక్తంగా నిర్మించారు. సప్తస్వ మీడియా వర్క్స్, వైర ఎంటర్‌టైన్‌మెంట్స్ సంస్థలు ఈ ప్రాజెక్టును నిర్మించగా, ప్రముఖ నిర్మాత బన్నీ వాస్ ఈ చిత్రాన్ని BV వర్క్స్ బ్యానర్‌పై సమర్పిస్తున్నారు.

అక్టోబర్ 15న ప్రీమియర్ షోలు.. 

సినిమాపై ఇప్పటి నుంచే పాజిటివ్ బజ్ పెరుగుతోంది. టీజర్, ట్రైలర్, పాటలు ఇప్పటికే ప్రేక్షకులను ఆకట్టుకోగా, IMDbలో ట్రెండింగ్‌లోకి రావడం సినిమాపై ఆసక్తిని మరింత పెంచింది. ఈ నేపథ్యంలో సినిమా విడుదలకు ముందు, అక్టోబర్ 15న ప్రత్యేక ప్రీమియర్ షోలు నిర్వహించనున్నట్లు చిత్ర బృందం అధికారికంగా ప్రకటించింది.

#MithraMandali Paid Premieres in Hyderabad on October 15th! 💥💥🔥🔥 pic.twitter.com/pkq4at9mkG

— Telugu Cult 𝐘𝐓 (@Telugu_Cult) October 12, 2025

సెన్సార్ కార్యక్రమాలు పూర్తి చేసుకున్న ఈ చిత్రం U/A సర్టిఫికెట్ పొందింది. కుటుంబ సభ్యులతో కలిసి చూడదగిన హృదయాన్ని హత్తుకునే కంటెంట్‌తో రోపొందిందని సెన్సార్ బోర్డు అభినందించింది. ఈ విశ్వాసంతోనే ప్రేక్షకులకు ముందుగానే సినిమా చూపించాలని మేకర్స్ నిర్ణయించుకున్నారు.

This Diwali, FUN starts early with #MithraMandali Premieres on Oct 15th 💥

Bookings Open Soon ❤️‍🔥 pic.twitter.com/urTXMNHZO3

— Thyview (@Thyview) October 12, 2025

Also Read :  కాకరేపుతున్న 'కట్టలన్' ఫస్ట్ లుక్ .. రక్తంతో పోస్టర్ వైరల్!

దీపావళి హిట్‌గా "మిత్ర మండలి"..?

“మిత్ర మండలి” ఒక కామెడీ, స్నేహం, భావోద్వేగాలను కలిపి చేసిన కామెడీ ఎంటర్టైనర్. ప్రియదర్శి - నిహారిక NM మధ్య కెమిస్ట్రీ, దర్శకుడు విజయేంద్ర చెప్పిన కథ చెప్పే విధానం సినిమా ప్రధాన ఆకర్షణలుగా నిలవబోతున్నాయి.

ఈ చిత్రంలో వీరిద్దరితో పాటు విష్ణు ఓయి, రాగ్ మయూర్, ప్రసాద్ బెహరా, వెన్నెల కిషోర్, సత్య, వి.టి.వి. గణేష్ కీలక పాత్రల్లో కనిపించనున్నారు. అంతేకాకుండా, బ్రహ్మానందం ఒక ప్రత్యేక పాత్రలో సందడి చేయనుండటం సినిమాకు మరింత హైలైట్‌గా మారనుంది.

ఈ దీపావళికి కుటుంబమంతా కలిసి చూసే సరదా సినిమా కోసం ఎదురుచూస్తున్న వారికి “మిత్ర మండలి” పక్కా ఎంటర్టైనర్‌గా మారే అవకాశముంది. ఫుల్ లెంగ్త్ కామెడీ, స్నేహం, మంచి పాటలు, మల్టీ-స్టార్‌ కాస్ట్‌తో సినిమా ప్రేక్షకులకు మంచి అనుభూతిని ఇచ్చేలా ఉంది. అక్టోబర్ 16న థియేటర్లలో విడుదల కానున్న ఈ సినిమా, ఒక రోజు ముందే ప్రీమియర్లతో అదరగొట్టేందుకు సిద్ధంగా ఉంది.