Good Bad Ugly OTT: ఓటీటీలోకి అడుగుపెడుతున్న అజిత్ మాస్ యాక్షన్ థ్రిల్లర్ - 'గుడ్ బ్యాడ్ అగ్లీ'

Good Bad Ugly OTT: తమిళ మూవీ లవర్స్ ఎంతగానో ఎదురుచూస్తున్న 'గుడ్ బ్యాడ్ అగ్లీ' సినిమా  ఇప్పుడు ఓటీటీలో సందడి చేయడానికి సిద్ధమవుతోంది. అజిత్ కుమార్(Ajith Kumar), త్రిషా కృష్ణన్(Trisha) జంటగా నటించిన ఈ యాక్షన్ థ్రిల్లర్ ఇటీవలే ఏప్రిల్ 10, 2025న థియేటర్లలో విడుదలై సూపర్ హిట్ టాక్ తో దూసుకెళ్తోంది. థియేటర్లో సూపర్ హిట్ అయిన ఈ మూవీ మే 8, 2025న నెట్‌ఫ్లిక్స్‌లో స్ట్రీమింగ్‌కు సిద్ధమవుతోంది.

నెట్‌ఫ్లిక్స్‌లో స్ట్రీమింగ్‌.. 

గుడ్ బ్యాడ్ అగ్లీ మూవీ Netflix ఓటీటీ ప్లాట్‌ఫారమ్‌లో మే 8, 2025 నుండి చూడొచ్చు. ఈ మూవీ తమిళంతో పాటు ఇతర భాషల్లోనూ అందుబాటులోకి వచ్చే అవకాశం ఉంది.

#GoodBadUgly tentative OTT release date revealed-

The latest buzz is that Good Bad Ugly is gearing up for its OTT premiere on Netflix, with May 8, 2025, being the rumored date. While there’s no official confirmation yet, the speculation is already trending across social media. pic.twitter.com/nSFOfwv6Ms

— MOHIT_R.C (@Mohit_RC_91) April 24, 2025

స్టోరీ విషయానికి వస్తే..

ఇక ఈ మూవీ స్టోరీ విషయానికి వస్తే “AK” అనే రిటైర్డ్ గ్యాంగ్‌స్టర్ (అజిత్ కుమార్ పాత్ర) చుట్టూ తిరుగుతుంది. అనుకోని కారణాల వల్ల  పోలీసులకు లొంగి సాధారణ జీవితం గడపాలని AK నిర్ణయించుకుంటాడు. తన భార్య రమ్యా (త్రిషా) కుమారుడు విహాన్‌తో కలసి జీవితం కొనసాగించేందుకు 2007లో జైలుకు వెళ్లిన అతను 18 సంవత్సరాల తర్వాత విడుదలవుతాడు కానీ… గడచిన జీవితంలోని కొన్ని సంఘటనలు అతన్ని విడిచిపెట్టవు. పాత శత్రువులు, హంతకులు అతని కుటుంబాన్ని టార్గెట్ చేస్తారు. ఈ పరిస్థితుల్లో మళ్లీ గ్యాంగ్‌స్టర్ అవతారంలోకి దిగే AK తన కుటుంబాన్ని ఎలా రక్షించాడనేది ఈ మూవీ స్టోరీ.

ఈ మూవీలో అజిత్ కుమార్ "AK" అనే పాత్రలో అద్భుతమైన నటన  ప్రదర్శించారు,  త్రిషా కృష్ణన్ "రమ్యా"గా ఎంతో ఎమోషనల్ గా నటించి మెప్పించారు. అర్జున్ దాస్, జాకీ శ్రాఫ్, ప్రభు, ప్రసన్న, సునీల్, యోగి బాబు వంటి ప్రముఖ నటులు కూడా ఇందులో కీలక పాత్రల్లో కనిపిస్తారు.

ఈ సినిమాను నవీన్ యెర్నేని, వై. రవి శంకర్, సురేష్ చంద్ర, గుల్షన్ కుమార్, భూషణ్ కుమార్, కృష్ణన్ కుమార్ సంయుక్తంగా కలిసి నిర్మించారు. మైత్రీ మూవీ మేకర్స్, టీ సిరీస్ రెండు ప్రముఖ నిర్మాణ సంస్థల బ్యానర్లపై ఈ చిత్రం తెరకెక్కింది. ఈ చిత్రానికి జీవి ప్రకాష్ కుమార్ సంగీతాన్ని అందించగా, సినిమాటోగ్రఫీకి  అబినధన్ రామానుజం వర్క్ చేశారు. అలాగే, విజయ్ వెలుకుట్టి ఎడిటింగ్ బాధ్యతలు తీసుకున్నారు.

Also Read: Dhanush 56: పుర్రెతో ధనుష్ కొత్త సినిమా పోస్టర్.. నాలుగేళ్ళ తర్వాత మళ్ళీ అదే డైరెక్టర్ తో

మాస్‌కి పండగే

ఈ మూవీ మాస్ యాక్షన్ డ్రామాగా బాక్స్ ఆఫీస్ వద్ద మంచి మార్కులు కొట్టింది. అజిత్ మాస్ ప్రెజెన్స్, యాక్షన్ సన్నివేశాలు అభిమానులను ఎంతగానో ఆకట్టుకున్నాయి. IMDb ఈ చిత్రానికి 7.1/10 రేటింగ్ ఇచ్చింది. 'గుడ్ బ్యాడ్ అగ్లీ' మూవీ మాస్ యాక్షన్ థ్రిల్లర్ లను ఇష్టపడేవారికి పండగే. థియేటర్‌లో మిస్ అయినవారు మే 8న నెట్‌ఫ్లిక్స్ ఓటీటీలో ఈ యాక్షన్ థ్రిల్లర్‌ను మిస్ కావద్దు! ఇలాంటి మరిన్ని తాజా సినిమా అప్‌డేట్స్ కోసం మా వెబ్‌సైట్‌ను ఫాలో అవ్వండి. 

 Also Read:  Balakrishna Padma Bhushan: బాలయ్య బాబుకు అభినందనల వెల్లువ.. ఎవరెవరు విష్ చేశారంటే?