Aishwarya: కేన్స్ వేదికపై 'సింధూరంతో' అడుగుపెట్టిన ఐశ్వర్య.. బనారసీ చీరలో ప్రపంచ దృష్టి తన వైపుకు!

2002లో తొలిసారి కేన్స్ వేదికపై మెరిసిన ఐశ్వర్య .. అప్పటి నుంచి ప్రతి ఏడాది కేన్స్‌లో తన ప్రత్యేకతను చాటుకుంటూనే వస్తున్నారు.

ఈ ఏడాది సాంప్రదాయ చీరకట్టులో, నుదిటిన సింధూరంతో కేన్స్ రెడ్ కార్పెట్ ప్రపంచ దృష్టిని ఆకర్షించారు.

తెల్లని చీర, దాని పై రోస్ గోల్డ్, సిల్వర్ హింట్స్, మెడలో మెరిసే బంగారు ఆభరణాలతో పవర్ ఫుల్ లేడీ ఐకాన్ గా రెడ్ కార్పెట్ పై సందడి చేశారు.

ఐశ్వర్య నుదిటిన సిందూరం ప్రత్యేక ఆకర్షణగా నిలిచింది. దీని వెనుక రెండు ప్రత్యేక కారణాలు ఉన్నాయని అభిప్రాయపడుతున్నారు నెటిజన్లు.

ఉగ్రదాడికి ప్రతీకార చర్యగా భారత్ చేపట్టిన 'ఆపరేషన్ సింధూర్' కి కేన్స్ వేదికగా తన లుక్ తో మద్దతు ఇచ్చారని అనుకుంటున్నారు.

అలాగే భారతీయ సంప్రదాయాలను ప్రపంచ వేదికపై పరిచయం చేయాలనే ఉద్దేశంతో ఐశ్వర్య ఈ లుక్ ఎంచుకున్నట్లు చెబుతున్నారు.

నుదిటిన సింధూరంతో ఐశ్వర్య సాంప్రదాయ లుక్ పై సోషల్ మీడియాలో ప్రశంసలు వెలువెత్తుతున్నాయి. ''ఇదే నిజమైన కేన్స్ మూమెంట్'', 'ఐశ్వర్య అసలైన కేన్స్ క్వీన్' అంటూ కామెంట్లు పెడుతున్నారు.

గత 20 ఏళ్లుగా కేన్స్‌ లో సందడి చేస్తున్న ఐశ్వర్య.. ఈఏడాది సంప్రదాయానికి ఘనతను చేకూర్చారు.

latest-news | telugu-news | aishwarya-rai-bacchan | 78th Cannes Film Festival