Health Tips: ఈ ఐదు పండ్లు తింటే మీ కిడ్నీలు క్లీన్.. ఆ సమస్యలన్నీ పరార్!

కిడ్నీలు మన శరీరంలో చాలా ముఖ్యమైనవి. కిడ్నీలు ఆరోగ్యంగా ఉంటేనే మనం ఆరోగ్యంగా ఉంటాం. మన శరీరంలోని మలినాలన్నింటిని ఫిల్టర్ చేసి మూత్రం ద్వారా బయటకు పంపిస్తాయి. అయితే హెల్త్ న్యూస్ ప్రకారం కొన్ని రకాల పండ్లు తింటే కిడ్నీలు క్లీన్ అవుతాయి. కిడ్నీలను క్లీన్ చేసే పండ్ల గురించి ఇప్పుడు తెలుసుకుందాం.

రెడ్ గ్రేప్స్ :
కిడ్నీ డిటాక్స్‌లో ఎర్ర ద్రాక్ష ఉత్తమంగా పని చేస్తుంది. ఎర్ర ద్రాక్షలో ఫ్లేవనాయిడ్లు ఉంటాయి. ఇవి మూత్రపిండాలలో మంటను నివారిస్తాయి. ఎర్ర ద్రాక్షలో అనేక రకాల యాంటీఆక్సిడెంట్లు కూడా ఉన్నాయి. ఇవి మూత్రపిండాలను లోపలి నుండి శుభ్రపరచడంతోపాటు వీటిలో ఉండే ఫ్లేవనాయిడ్స్ రక్తాన్ని శుద్ధి చేస్తాయి.

స్ట్రాబెర్రీలు:
బెర్రీస్ కుటుంబంలో స్ట్రాబెర్రీ, క్రాన్‌బెర్రీ, బ్లూబెర్రీ, కోరిందకాయ, బ్లాక్‌బెర్రీ మొదలైన పండ్లు ఉంటాయి. ఇలాంటి పండ్లలో అనేక రకాల యాంటీ ఆక్సిడెంట్లు, ఫైటోకెమికల్స్ ఉంటాయి. ఇవి ప్రధానంగా కిడ్నీ కణాలను ఆక్సీకరణ ఒత్తిడి, వాపు ప్రమాదం నుండి రక్షిస్తాయి. అందువల్ల, బెర్రీలు కిడ్నీ డిటాక్స్‌లో ఉపయోగించవచ్చు. క్రాన్‌బెర్రీ జ్యూస్ అన్ని రకాల బ్లాడర్ సంబంధిత సమస్యలకు దివ్యౌషధం. న్యూట్రిషన్ జర్నల్ ప్రకారం, రోజూ క్రాన్బెర్రీ జ్యూస్ తాగడం వల్ల యూరినరీ ట్రాక్ట్ ఇన్ఫెక్షన్ నుండి బయటపడవచ్చు.

పుచ్చకాయ:
హెల్త్‌లైన్ వార్తల ప్రకారం, నిమ్మ, నారింజ, పుచ్చకాయ రసం మూత్రపిండాలను శుభ్రపరచడంలో బాగా సహాయపడతాయి. కిడ్నీలో రాళ్లు రాకుండా పండ్ల రసం రక్షిస్తుంది. దీనితో పాటు, ఇది మొత్తం శరీరంలోని ద్రవాలను సమతుల్యం చేస్తుంది.పుచ్చకాయలో 90 శాతం కంటే ఎక్కువ నీరు ఉంటుంది కానీ ఈ నీరు చాలా శక్తివంతమైన పోషకాలతో నిండి ఉంటుంది. కిడ్నీ దెబ్బతినకుండా కాపాడడంలో పుచ్చకాయలోని నీరు ఎంతో సహాయపడుతుంది. పుచ్చకాయలో ఉండే లైకోపీన్ సమ్మేళనం కిడ్నీలో మంటను తొలగిస్తుంది. కిడ్నీలలోని ఫాస్ఫేట్, ఆక్సలేట్, సిట్రేట్, కాల్షియంలను బ్యాలెన్స్ చేయడంలో పుచ్చకాయ సహాయపడుతుంది.

దానిమ్మ:
దానిమ్మలో మనకు కావాల్సిన అన్ని పోషకాలు ఉంటాయి. కిడ్నీలను శుభ్రపరచడంలో పేరొందిన పొటాషియం తగినంత మొత్తంలో దానిమ్మలో ఉంటుంది. దానిమ్మ మూత్రపిండాల్లో రాళ్లను కూడా నివారిస్తుంది. ఇది కిడ్నీలో పేరుకుపోయిన టాక్సిన్స్‌ను తొలగించడంలో సహాయపడుతుంది.

ఆరెంజ్,లెమన్:
నిమ్మరసం, నారింజ మూత్రపిండాలను శుభ్రపరచడంలో సహాయపడతాయి. కిడ్నీలో రాళ్లు రాకుండా రక్షిస్తాయి. శరీరం అంతటా ద్రవాలను సమతుల్యం చేస్తుంది.

ఇది కూడా చదవండి: అభయహస్తం పథకాలకు దరఖాస్తు చేసుకోని వారికి రేవంత్ సర్కార్ షాక్.. మంత్రి కీలక ప్రకటన!