UPI Payments: ఫోన్ పే, గూగుల్ పే వాడే వారు ఇవి పక్కా తెలుసుకోవాల్సిందే!

ఆన్‌లైన్ ట్రాన్సాక్షన్లు ఎక్కువగా చేసేవారికి బిగ్ షాక్. ఫోన్ పే, గూగుల్ పే పేటీఎం వంటి UPI యాప్‌లు వాడే వారు రేపటి (ఆగస్ట్ 1) నుంచి మారనున్న కొత్త రూల్స్ తెలుసుకోవాల్సిందే. ఆగస్టు 1 నుండి యూనిఫైడ్ పేమెంట్స్ ఇంటర్‌ఫేస్ (UPI) లావాదేవీల నిబంధనలలో భారీ మార్పులు రానున్నాయి. నేషనల్ పేమెంట్స్ కార్పొరేషన్ ఆఫ్ ఇండియా (NPCI) తీసుకువచ్చిన ఈ మార్పులు UPI వ్యవస్థ సామర్థ్యాన్ని పెంచడం, సర్వర్‌లపై భారాన్ని తగ్గించడం, లావాదేవీలను మరింత సురక్షితంగా చేయడం లక్ష్యంగా పెట్టుకున్నాయి. Google Pay, PhonePe, Paytm వంటి అన్ని UPI యాప్‌లకు ఈ కొత్త నిబంధనలు వర్తిస్తాయి.

Also Read :  August 2025 New Rule: ఆగస్టు 1 నుండి UPI, క్రెడిట్ కార్డ్, LPG ధరలలో మార్పులు..!

UPI Payments App New Rules

🚨 [PART 2/2] New UPI rules from August 1.

NPCI is rolling out key changes to make digital payments safer and smoother. From daily balance check limits to fixed autopay slots and anti-fraud tweaks—here’s what you need to know.

For more news & updates, visit… pic.twitter.com/noQsOCnZym

— Fortune India (@FortuneIndia) July 30, 2025

ప్రధాన మార్పులు ఇవే:

రోజుకు 50 సార్లే బ్యాలెన్స్ చెక్ చేసుకోవచ్చు : ఇకపై వినియోగదారులు ఒక UPI యాప్ ద్వారా రోజుకు గరిష్టంగా 50 సార్లు మాత్రమే తమ బ్యాంక్ బ్యాలెన్స్‌ను చెక్ చేయగలరు. అంతకు ముందు ఇలాంటి లిమిట్ లేదు. పీక్ అవర్స్‌లో (ఉదయం 10 నుండి మధ్యాహ్నం 1, సాయంత్రం 5 నుండి రాత్రి 9:30 వరకు) బ్యాలెన్స్ చెక్ అభ్యర్థనలను పరిమితం చేసే అవకాశం కూడా ఉంది. ఎవరికైనా డబ్బులు కొడితే.. లావాదేవీ తర్వాత బ్యాంక్ బ్యాలెన్స్‌ అటోమెటిక్‌గా తెలియజేస్తుంది.

అకౌంట్ చూసే లిమిట్: ఒక UPI యాప్‌లో లింక్ చేయబడిన బ్యాంక్ ఖాతాలను రోజుకు గరిష్టంగా 25 సార్లు మాత్రమే చూడటానికి అనుమతిస్తారు. ఇది సిస్టమ్‌పై అనవసరమైన లోడ్‌ను తగ్గిస్తుంది.

ఆటోపే సమయ మార్పులు: EMIలు, సబ్‌స్క్రిప్షన్‌లు వంటి ఆటోపే లావాదేవీలు ఇకపై నిర్దిష్ట సమయాలలో మాత్రమే జరుగుతాయి. పీక్ అవర్స్‌లో సర్వర్‌లపై ఒత్తిడిని తగ్గించడానికి, ఈ ఆటోపే లావాదేవీలు ఉదయం 10 గంటలకు ముందు, మధ్యాహ్నం 1 నుండి సాయంత్రం 5 గంటల మధ్య, మరియు రాత్రి 9:30 గంటల తర్వాత మాత్రమే ప్రాసెస్ చేయబడతాయి. ఒక ఆటోపే మ్యాండేట్‌కు గరిష్టంగా నాలుగు ప్రయత్నాలు (ఒక ప్రారంభ ప్రయత్నం, మూడు రీట్రైలు) మాత్రమే అనుమతించబడతాయి.

పెండింగ్ పేమెంట్స్ స్టేటస్ చెక్: పెండింగ్‌లో ఉన్న ట్రాన్సాక్షన్ స్టేటస్ 3 సార్లు మాత్రమే చెక్ చేయగలరు. వాటి మధ్య 90 సెకన్ల విరామం తప్పనిసరి.

వాడని UPI IDల డీయాక్టివేషన్: 12 నెలలకు పైగా వాడకుండా ఉన్న మొబైల్ నంబర్‌కు లింక్ చేయబడిన UPI IDలు వాటంతట అవే డీయాక్టివేట్ చేయబడతాయి.

ఈ మార్పులు సాధారణ UPI యూజర్లకు పెద్దగా ఇబ్బంది కలిగించవు, కానీ సిస్టమ్ స్థిరత్వం, వేగం, భద్రతను మెరుగుపరచడానికి ఉద్దేశించబడ్డాయి. సాధారణ పేమెంట్‌లు, డబ్బు బదిలీలకు సంబంధించిన పరిమితులలో ఎలాంటి మార్పు లేదు.

Also Read :  UPI యూజర్లకు అలెర్ట్.. ఆగస్టు 1నుంచి కొత్త రూల్స్..  ట్రాన్సాక్షన్ లిమిట్లో

upi-payments | upi-transaction-limits | UPI Transactions | new-rules | phone-pay | google-pay | online-transactions | latest-telugu-news