Brain Tumor Treatment: అరగంటలో బ్రెయిన్‌ ట్యూమర్‌కి చికిత్స.. ఖర్చు ఎంతంటే?

Brain Tumor Treatment: క్యాన్సర్, గుండె జబ్బుల్లాగానే బ్రెయిన్ ట్యూమర్ కూడా అత్యంత తీవ్రమైన వ్యాధి. చాలా మంది ఈ వ్యాధి చివరి దశలో ఉన్నప్పుడు గమనిస్తారు. దీని కారణంగా కణితులకు చికిత్స చేయడం కొన్నిసార్లు వైద్యులకు కూడా పెద్ద సవాల్‌గా మారుతుంది. అయితే ఇప్పుడు ఈ కష్టం తగ్గింది. కేవలం 30 నిమిషాల్లో బ్రెయిన్ ట్యూమర్‌ను నయం చేసే యంత్రం వచ్చింది. Zap X అనే యంత్రంతో మెదడు కణితులను సులభంగా నయం చేస్తున్నారు. ఢిల్లీలోని ఓ ఆస్పత్రి మొదటి ZAP-X యంత్రాన్ని ఆవిష్కరించింది.

జాప్‌ఎక్స్‌ యంత్రం ఉపయోగాలు:

• ఆస్పత్రిలో చేరకుండానే కేవలం అరగంటలో కణితికి చికిత్స చేయడం సాధ్యమవుతుంది. అరగంట తర్వాత రోగి తన ఇంటికి లేదా కార్యాలయానికి వెళ్లి పని చేయవచ్చు. ఈ యంత్రం సహాయంతో చుట్టుపక్కల కణజాలం దెబ్బతినకుండా, అధిక తీవ్రత రేడియేషన్ మెదడు కణితికి మాత్రమే పంపిణీ చేయబడుతుంది. ఇది సహజంగా కణితి కరిగిపోయేలా చేస్తుందని నిపుణులు అంటున్నారు.

సాధారణ చికిత్స-యంత్రం మధ్య తేడా?

• ఈ యంత్రంతో బ్రెయిన్ ట్యూమర్ రోగికి ఆస్పత్రిలో చేరడం లేదా అనస్థీషియా అవసరం లేదు. అంతేకాకుండా చికిత్స తర్వాత రోగి ఆరోగ్య పరిస్థితిని మెరుగుపరచడంలో కూడా ఇది సహాయపడుతుంది. ఒక రోగికి 30 నిమిషాల నుంచి గరిష్టంగా గంట 30 నిమిషాల వరకు ఒకే సెషన్‌లో చికిత్స అందిస్తారు. కణితి చాలా పెద్దగా ఉన్నా లేదా మెదడులోని ముఖ్యమైన నిర్మాణాలకు దగ్గరగా ఉన్నప్పుడు మాత్రమే రెండు సెషన్లను ప్లాన్ చేస్తారు. దీనికి ఎక్కువ సమయం పట్టే అవకాశం ఉంటుందని వైద్యులు అంటున్నారు. అంతేకాకుండా ఈ యంత్రంతో కణితి ఉన్న చోటే సరైన చికిత్స చేయవచ్చు. మెదడులోని అన్ని క్లిష్టమైన నిర్మాణాలకు ఇది ఎటువంటి ప్రమాదాన్ని కలిగించదని చెబుతున్నారు.

అన్ని కణితులను నయం చేయలేదా?

• ఈ యంత్రంతో అన్ని రకాల కణితులకు చికిత్స చేయడం సాధ్యం కాదు. పెద్ద కణితులు లేదా మెటాస్టాటిక్ కణితులు ఉన్నవారికి కొన్నిసార్లు చికిత్స కష్టంగా ఉండవచ్చు. ఇది 3X3X3 సెం.మీ కంటే తక్కువ కణితులు ఉన్న రోగులకు మాత్రమే ఉపయోగపడుతుందని చెబుతున్నారు. మెదడులో లోతైన కణితి, ముఖ్యమైన మెదడు నిర్మాణానికి దగ్గరగా లేదా మెదడులో చిన్న కణితి ఉన్న రోగులకు ఈ చికిత్స ప్రయోజనకరంగా ఉంటుంది.

ఎంత ఖర్చు అవుతుంది?

• సాంప్రదాయ శస్త్రచికిత్సతో సమానంగా Zap-X చికిత్సకు అయ్యే ఖర్చు ఉంటుందని వైద్యులు అంటున్నారు. విదేశాల్లో దీని ధర సుమారు 4 వేల డాలర్లు. అంటే భారతీయ రూపాయలలో దీని ధర దాదాపు 3 లక్షల 31 వేల 058 రూపాయలు ఉంటుందని చెబుతున్నారు.

ఇది కూడా చదవండి: పిల్లల గది డిజైనింగ్‌ విషయంలో ఇవి మర్చిపోకండి

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.