Baltimore Bridge: బ్రిడ్జ్ ను ఢీ కొట్టిన పడవ.. కుప్పకూలిన వంతెన!

Baltimore Bridge Accident: అమెరికాలో ఘోర ప్రమాదం జరిగింది. పటాప్‌స్కో నదిలో ప్రయాణికులతో వెళ్తున్న పడవ (Ship Collision) బాల్టిమోర్ నగరంలో ఒక బ్రిడ్జ్‌ ను బలంగా ఢీ కొట్టింది. దీంతో 'ఫ్రాన్సిస్‌ స్కాట్ కీ' బ్రిడ్జ్‌ అమాంతం కుప్పకూలిపోయింది. ఈ ప్రమాదానికి సంబంధించిన వీడియోను మేరీలాండ్ ట్రాన్స్‌పోర్టేషన్ అథారిటీ నెట్టింట షేర్ చేయగా జనాలు ఉలిక్కిపడుతున్నారు.

20 మందికిపైగా గల్లంతు..
ఈ మేరకు సోమవారం అర్ధరాత్రి దాటిన తర్వాత భారీ కంటైనర్ షిప్ ఈ వంతెనను ఢీకొట్టినట్లు అధికారులు తెలిపారు. ఈ యాక్సిడెంట్ జరిగిన సమయంలో వంతెన మీద ప్రయాణిస్తున్న పదుల సంఖ్యలో కార్లు నదిలో పడిపోయినట్లు వెల్లడించారు. 20 మందికిపైగా గల్లంతు అయ్యారని, వారి అచూకికోసం గాలిస్తున్నట్లు తెలిపారు. అలాగే పటాప్‌స్కో నది మీదుగా రాకపోకలు నిలిపివేశారు. ఈ ప్రమాదానికి సంబంధించి పూర్తి వివరాలు తెలియాల్సివుంది.

Also Read: స్కూల్ టీచర్ పై చెప్పుల దాడి.. తరిమికొట్టిన విద్యార్థులు!