Andhra Pradesh : జనసేనకు షాక్.. రెండు నియోజకవర్గాల్లో కొత్త టెన్షన్

Shock To Janasena : ఆంధ్రప్రదేశ్‌(Andhra Pradesh) లో ఎన్నికలు(Elections) సమీపిస్తున్న కొద్ది రాజకీయాలు రసవత్తరంగా మారుతున్నాయి. ఇప్పటికే అధికార పార్టీ వైసీపీ(YCP), టీడీపీ-జనసేన-బీజేపీ కూటమి(TDP-Janasena-BJP Alliance) తమ మేనిఫెస్టోలను కూడా విడుదల చేశాయి. అయితే ఇప్పుడు జనసేనకు 2 నియోజకవర్గాల్లో ఆందోళన మొదలైంది. రాజానగరం, నిడదవోలు నియోజకవర్గాల్లో పేరును పోలిన పేర్లు, గుర్తులు ఉన్నాయి. నిడదవోలులో కందుల దుర్గేష్‌కు పోటీగా కంచర్ల దుర్గేష్‌ బరిలోకి దిగారు. ఈయన గ్లాసు గుర్తును దగ్గరగా ఉండే బక్కెట్ గుర్తుతో పోటీ పడుతున్నారు.

Also Read: కడియం శ్రీహరి, తెల్లం వెంకట్రావ్‌కు షాక్‌.. హైకోర్టు నోటీసులు

ఇక రాజానగరం నియోజకవర్గంలో బత్తుల రామకృష్ణకు పోటీగా బత్తుల రామకృష్ణ పేరుతో ఇద్దరు వ్యక్తులు ఉన్నారు. వీళ్లు కూడా గ్లాసు గుర్తుకు దగ్గరగా ఉండే పెన్‌స్టాండ్‌, బక్కెట్ గుర్తుతో పోటీ పడుతున్నారు. ఈ నేపథ్యంలో ప్రజలు ఎక్కడ అయోమయం చెందుతారో అని.. జనసేన నుంచి పోటీ చేస్తున్న కందుల దుర్గేష్, బత్తుల రామకృష్ణలో టెన్షన్‌ మొదలైంది. ఇదిలాఉండగా.. మే 13న ఆంధ్రప్రదేశ్‌లో అసెంబ్లీ ఎన్నికలతో పాటు పార్లమెంటు ఎన్నికలు కూడా జరగనున్న సంగతి తెలిసిందే.

Also Read:  కోవిషీల్డ్ వ్యాక్సిన్ సైడ్ ఎఫెక్ట్స్ చాలా తక్కువ.. టెన్షన్ వద్దంటున్న నిపుణులు