Lalu Prasad: లాలూకు భారీ షాక్.. బెయిల్ పిటిషన్ ను సవాల్ చేసిన సీబీఐ...!

Lalu Prasad Yadav: బిహార్ మాజీ ముఖ్యమంత్రి, ఆర్జేడీ చీఫ్ లాలూ ప్రసాద్ యాదవ్ కు షాక్ తగిలింది. దాణా కుంభకోణం కేసులో ఆయనకు మంజూరు చేస్తూ జార్ఖండ్ కోర్టు (Jharkhand) ఇచ్చిన తీర్పును సీబీఐ (CBI) సవాల్ చేసింది. ఈ మేరకు సర్వోన్నత న్యాయస్థానంలో సీబీఐ పిటిషన్ దాఖలు చేసింది. ఆ పిటిషన్ పై అగస్టు 25న విచారణ చేపట్టనున్నట్టు సుప్రీం కోర్టు వెల్లడించింది.

గతంలో లాలూ సీఎంగా పని చేసిన సమయంలో దాణా కుంభ కోణానికి పాల్పడ్డారని ఆరోపణలు వున్నాయి. ఈ కేసులో ఆయనకు సీబీఐ కోర్టు ఐదేండ్ల శిక్ష విధించింది. దీంతో పాటు ఆయనకు రూ. 60 లక్షల జరిమానా విధించింది. ఆ తర్వాత దుమ్కా, దోరండా, చాయ్ బాసా, డియోఘర్ ట్రెజరీ కేసుల్లో ఆయనకు బెయిల్ మంజూరు చేస్తూ జార్ఖండ్ హైకోర్టు ఉత్తర్వులు జారీ చేసింది.

తాజాగా ఆ ఉత్తర్వులను సుప్రీం కోర్టులో సీబీఐ సవాల్ చేసింది. 1990-97 మధ్య లాలూ సీఎంగా వున్నారు. ఆ సమయంలో దాణా కుంభకోణానికి పాల్పడ్డారని ఆయనపై ఆరోపణలు వున్నాయి. పశువుల దాణా, ఇతర అవసరాల కోసం ప్రభుత్వ ఖజానా నుంచి రూ. 950 కోట్లు అక్రమంగా ఆయన విత్ డ్రా చేశారని, వాటిని దుర్వినియోగం చేశారని అభియోగాలు వచ్చాయి.

ఈ కేసులో పలువురిని సీబీఐ అరెస్టు చేసింది. అందులో దోరండా కేసులో మొత్తం 99 మంది నిందితులు వుండగా అందులో 24 మందిని నిర్దోషులుగా న్యాయస్థానం విడుదల చేసింది. మరో 46 మందికి మూడేండ్ల జైలు శిక్ష విధించింది. ఈ నాలుగు కేసుల్లో లాలూ ప్రసాద్ యాదవ్ (Lalu Prasad Yadav) కు న్యాయస్థానం 14 ఏండ్ల శిక్ష విధించింది. ఆ తర్వాత హైకోర్టు బెయిల్ మంజూరు చేయడంతో ఆయన బయటకు వచ్చారు.

Also Read: మెజార్టీ ముస్లింలు హిందుత్వం నుంచి మారిన వారే… గులాం నబీ ఆజాద్ సెన్సేషనల్ కామెంట్స్…!