/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/03/anushka-jpg.webp)
Anushka Shetty : కన్నడ భామ(Kannada Actress) అయినప్పటికీ తెలుగు నటులకు ఏ మాత్రం తీసిపోకుండా ఉంటుంది... అనుష్క శెట్టి(Anushka Shetty). అరుంధతి సినిమాలో జేజమ్మ గా నటించిన.. బాహుబలిలో దేవసేనగా నటించిన ఆమె నటనలో ఆమెకే పోటీ. బాహుబలి తరువాత అనుష్క ఎక్కువగా సినిమాలను చేసింది లేదు. చివరిగా గతేడాది మిస్‌ శెట్టి.. మిస్టర్‌ పోలిశెట్టి(Miss Shetty... Mr. Polishetty) సినిమాలో నటించింది.
ఆ సినిమా కొంచెం ఫర్వాలేదనిపించింది. ఆ సినిమా తరువాత అనుష్క అసలు ఇండస్ట్రీలో ఎక్కడా కనిపించలేదు. తాజాగా ఓ మలయాళ సినిమా షూటింగ్‌ లో అనుష్క పాల్గొంది. రోజిన్‌ థామస్‌ దర్శకత్వంలో రూపుదిద్దుకుంటున్న కథనార్‌- ది వైల్డ్‌ సోర్సెరర్‌ సోమవారం నుంచి సెట్స్‌ మీదకు వెళ్లింది.
చిత్ర యూనిట్‌ తో కలిసి ఉన్న ఫొటోలు సోషల్‌ మీడియాలో వైరల్ గా మారాయి. ఆ ఫొటోల్లో అనుష్క చాలా స్లిమ్‌ గా కనిపిస్తుంది. ఈ చిత్రం కోసమే అనుష్క ఇన్నాళ్లు వర్కౌట్ చేస్తూ సన్న బడినట్లు తెలుస్తుంది. అయితే ఈ సినిమాను మిస్‌ శెట్టి..మిస్టర్‌ పోలిశెట్టి సినిమాకంటే ముందుగానే కథనార్‌ చిత్రానికి సైన్‌ చేసినట్లు సమచారం.
ఈ చిత్రానికి రాహుల్‌ సుబ్రమణియన్‌ సంగీతం అందిస్తున్నారు. ఈ సినిమా తరువాత అనుష్క క్రిష్‌ సినిమాలో నటించేందుకు అంగీకరించిందని సమాచారం.
Also Read : లోక్‌సభ ఎన్నికలకు ముందు హర్యానా ముఖ్యమంత్రి రాజీనామా!