Watch Video: దోమల బెడద.. పరిష్కారం చూపించిన ఆనంద్ మహీంద్రా

వర్షకాలం వచ్చిందంటే చాలు.. దొమల బెడత విపరీతంగా ఉంటుంది. మరీ ముఖ్యంగా డెంగీ కేసులు ఎక్కువగా పెరుగుతున్నాయి. దోమల నివారణకు స్థానిక యంత్రాంగ చర్యలు తీసుకున్నప్పటికీ ఇది పూర్తిగా నియంత్రణలోకి రావడం లేదు. ప్రస్తుతం మహారాష్ట్ర రాజధాని ముంబయిలో కూడా ఈ సమస్య ఉంది. ఈ క్రమంలోనే సోషల్‌ మీడియాలో ఎల్లప్పుడు యాక్టివ్‌గా ఉండే ప్రముఖ పారిశ్రామికవేత్త ఆనంద్ మహీంద్రా ఎక్స్‌లో స్పందించారు. దోమలను చంపే ఓ పరికరానికి సంబంధించిన వీడియోను పోస్ట్ చేశారు. దీన్ని ఆయన 'మీ ఇంటికి ఇది ఐరన్‌డోమ్‌ లాంటిద'ని పేర్కొన్నారు.

Also Read: జమ్మూకశ్మీర్‌లో ఎన్నికలు.. తెలుగు నేతలకు కీలక బాధ్యతలు

'' ముంబయిలో డెంగీ కేసులు పెరుగుతున్న క్రమంలో.. ఈ చిన్నపాటి ఫిరంగీని ఎలా పొందాలనే దానిపై ప్రయత్నిస్తున్నాను. చైనా వ్యక్తి తయారు చేసిన ఈ పరికరం.. దోమలను వెతికి పట్టుకుని చంపేస్తుంది. ఇది మీ ఇంటికి ఐరన్‌డోమ్ లాంటిదంటూ '' రాసుకొచ్చారు. ప్రస్తుతం దీనికి సంబంధించిన వీడియో సోషల్ మీడియాలో వైరలవుతోంది. ఇందులో గమనిస్తే.. ఆ పరికరాన్ని ఓ ఇంట్లోని గదిలో పెట్టారు. దాని బాడీ రౌండ్‌గా తిరుగుతూ దోమలను పట్టుకొని చంపేస్తోంది.

With dengue on the rise in Mumbai, I’m trying to figure out how to acquire this miniature cannon, invented by a Chinese man, which can seek out & destroy mosquitoes!

An Iron Dome for your Home…

pic.twitter.com/js8sOdmDsd

— anand mahindra (@anandmahindra) August 24, 2024

ఈ పరికరం యాంటీ-మిసైజ్ డిఫెన్స్‌ సిస్టమ్‌ను పోలిఉంది. ఇందులో ఓ రాడర్ వ్యవస్థను కూడా అమర్చారు. ఇది చుట్టుపక్కల ఉన్న దోమలను వెంటనే గుర్తిస్తుంది. ఆ తర్వాత దీనిలో ఉన్న లేజర్‌ పాయింటర్‌ దోమలను చంపేస్తుంది. అయితే ఈ వీడియోను 2023, డిసెంబర్‌లో చైనీస్‌ మైక్రోబ్లాగింగ్ సైట్‌ విబోలో షేర్ చేశారు. ఓ వ్యక్తి తన ఎలక్ట్రిక్ కారులో ఉన్న రాడర్‌ను కాస్త మార్చేసి ఈ పరికరాన్ని తయారుచేసినట్లు పలు అంతర్జాతీయ మీడియా కథనాలు తెలిపాయి. అయితే ఇప్పుడు ఆనంద్‌ మహీంద్రా దీన్ని మళ్లీ షేర్ చేయడంతో మరోసారి వైరల్‌ అవుతోంది.

Also Read: ఘోర ప్రమాదం.. కుప్పకూలిన హెలికాప్టర్‌.. వీడియో వైరల్