Pushpa2 : బన్నీ ఫ్యాన్స్ కు బ్యాడ్ న్యూస్.. 'పుష్ప 2' మళ్ళీ వాయిదా?

ఐకాన్ స్టార్ అల్లు అర్జున్ నటిస్తున్న మోస్ట్ అవైటెడ్ ఫిల్మ్ 'పుష్ప2' ఇప్పటికే పలు సార్లు వాయిదా పడిన విషయం తెలిసిందే. అయితే ఎట్టకేలకు ఈ సినిమాను డిసెంబర్ 05న గ్రాండ్ గా రిలీజ్ చేస్తున్నట్లు అనౌన్స్ చేశారు. దీంతో ప్రమోషన్ కార్యక్రమాలను కూడా ముమ్మరం చేశారు మేకర్స్. 

ఇటీవలే బిహార్ వేదికగా ట్రైలర్ లాంఛ్ ఈవెంట్ గ్రాండ్ గా నిర్వహించారు. ఈ ఈవెంట్ తో పాటు ట్రైలర్‌‌తో పుష్ప 2 సినిమాపై క్రేజ్‌ మరింత పెరిగింది.ఇదిలా ఉంటే గత రెండు రోజులుగా 'పుష్ప 2' సినిమా మళ్లీ వాయిదా పడింది అంటూ సోషల్ మీడియాలో వార్తలు వస్తున్నాయి. దీనికి కారణం షూటింగ్ ఇంకా బ్యాలెన్స్ ఉండటమే అని తెలుస్తోంది. 

ఇది కూడా చదవండి: హీరోయిన్ గా ఎంట్రీ ఇస్తున్న స్టార్ క్రికెటర్ భార్య.. ఏకంగా తెలుగు సినిమాలోనే?

రిలీజ్ మరింత ఆలస్యం..

సినిమా రిలీజ్ కు ఇంకా రెండు వారాలు కూడా లేనప్పటికీ 'పుష్ప2' కు సంబంధించి ఇంకా వై యాక్షన్ సీక్వెన్స్ తో పాటూ ఓ సాంగ్ కూడా షూట్ చేయాల్సి ఉందట. ఇవి పూర్తయ్యి పోస్ట్ ప్రొడక్షన్ అయ్యే వరకు కనీసం మూడు వారాలకు పైగా సమయం పట్టే ఛాన్స్ ఉంది. అందుకే సినిమా రిలీజ్ మరింత ఆలస్యం కానున్నట్లు టాక్ వినిపిస్తోంది. డిసెంబర్ 19 న 'పుష్ప2' రానుందని నెట్టింట ప్రచారం జరుగుతోంది.

ఈ న్యూస్ తో అల్లు అర్జున్ ఫ్యాన్స్ తీవ్ర నిరాశకు గురవుతున్నారు. క్రియేటివ్ డైరెక్టర్ సుకుమార్ దర్శకత్వం వహిస్తున్న ఈ సినిమాలో బన్నీ సరసన రష్మిక మందన కథానాయికగా నటిస్తోంది. జగపతి బాబు, రావు రమేష్, ఫహాద్ ఫాజిల్, సునీల్, అనసూయ తదితరులు కీలక పాత్రల్లో కనిపించనున్నారు. శ్రీలీల స్పెషల్ సాంగ్ లో మెరవనుంది.

ఇది కూడా చదవండి: మళ్లీ యాక్టివ్ అయిన కవిత.. జాగృతి నాయకులతో కీలక సమావేశం.