బచ్చన్ ఇంట్లో గొడవలు.. ఐశ్వర్య-అభిషేక్ విడాకులు ఫిక్స్?

Aishwarya: బాలీవుడ్ స్టార్స్ ఐశ్వర్య రాయ్-అభిషేక్ బచ్చన్ (Aishwarya - Abhishek) దంపతుల వ్యక్తిగత జీవితానికి సంబంధించి మరో న్యూస్ వైరల్ అవుతోంది. గతంలో వీరిద్దరూ విడిపోతున్నట్లు వార్తలొచ్చిన విషయం తెలిసిందే. కాగా మరోసారి విడాకుల (Divorce) ఇష్యూ చర్చనీయాంశమైంది. గత కొంతకాలంగా బచ్చన్ ఫ్యామిలీలో గొడవలు జరుగుతున్నాయని, ఐశ్వర్య- అభిషేక్ లు ఎడమోహం పెడమొహంగా ఉంటున్నారని జోరుగా ప్రచారం జరుగుతోంది.

ఫ్యామిలీలో గొడవలు..
అంతేకాదు ఇటీవల ఆరాధ్య బర్త్ డే పార్టీలోనూ అభిషేక్ కనిపించకపోవడంతో డివోర్స్ వార్తలకు మరింత బలం చేకూరుంది. 'వీరిద్దరి మధ్య గొడవలు జరుగుతున్నాయి. కొన్ని రోజులుగా విడివిడిగా జీవిస్తున్నారు. అభిషేక్, ఐశ్వర్య చాలా కాలంగా కలిసి ఎక్కడికి వెళ్లట్లేదు. ఆరాధ్య కోసం కలిసినా ఆమె పుట్టినరోజు వేడుకల్లో అభిషేక్ లేడు. ఐశ్వర్య తన పుట్టినరోజును ఆరాధ్య, తన ఫ్యామిలీతో జరుపుకుంది' అంటూ పలు నివేదికలు వెల్లడించాయి. దీంతో ఈ న్యూస్ వైరల్ కాగా మరిన్ని పుకార్లు రెట్టింపు అయ్యాయి.

ఇది కూడా చదవండి : Hanuman Voice: ఆ హీరో మాట సాయం చేస్తే.. సినిమా నెక్స్ట్ లెవెల్ గ్యారెంటీ..

బెస్ట్ హస్బెండ్..
అయితే గతంలోనూ తమ మధ్య విభేదాల వార్తలపై స్పందించలేదు. కానీ తాజాగా ఐశ్వర్య ఇదంతా ఫేక్ అంటూ కొట్టిపారేసింది. ఆయన తన 'బెస్ట్ హస్బెండ్' అని చెప్పింది. అభిషేక్‌పై తన పట్ల గొప్ప ప్రేమను కలిగివుంటాడని, ఏరోజు తనను ఇబ్బంది పెట్టలేదంటూ ప్రశంసలు కురిపించింది. అంతేకాదు ఇటీవల ముంబైలో కబడ్డీ మ్యాచ్ కు బచ్చన్ ఫ్యామిలీ మొత్తం హాజరయ్యారు. అమితాబ్ బచ్చన్, అభిషేక్ బచ్చన్, ఆరాధ్యలతోపాటు ఐశ్వర్య కూడా తమ జట్టు జైపూర్ పింక్ పాంథర్స్‌ను ఉత్సాహపరుస్తూ కనిపించారు. ఇందుకు సంబంధించిన వీడియో, ఫొటోలు వైరల్ అవుతుండగా డివోర్స్ పుకార్లకు చెక్ పడింది.

ఇక సినిమాల విషయానికొస్తే.. ఐశ్వర్య రాయ్ చివరిగా మణిరత్నం చిత్రం 'పొన్నియన్ సెల్వన్‌'తో ప్రేక్షకులను అలరించింది. ఈ సినిమాలో ఐశ్వర్య నటనకుగానూ ప్రముఖుల ప్రశంసలు అందుకుంది. అభిషేక్ చివరగా 'ఘూమర్‌'లో కనిపించాడు. ఈ సినిమాలో కోచ్‌గా నటించగా ఈ చిత్రం బాక్సాఫీస్ వద్ద పెద్దగా వసూళ్లు చేయలేకపోయినప్పటికీ కథ, నటన పరంగా అభిమానుల హృదయాలను గెలుచుకుంది.