Kiran Abbavaram : కిరణ్ అబ్బవరం పెళ్లి డేట్ ఇదే.. లీక్ చేసిన హీరోయిన్, వైరల్ అవుతున్న పోస్ట్!

Actor Kiran Abbavaram Marriage Date Revealed : టాలీవుడ్ (Tollywood) యంగ్ హీరో కిరణ్ అబ్బవరం (Kiran Abbavaram) కొత్తగా పరిచయం అవసరం లేదు. 'రాజావారు రాణిగారు' సినిమాతో నటుడిగా ఆరంగేట్రంచేశాడు. ఇందులో రహస్య గోరఖ్ అనే అమ్మాయి హీరోయిన్‪‌గా చేసింది. అనంతరం SR కల్యాణ మండపం, వినరో భాగ్యము విష్ణు కథ వంటి హిట్స్ తో ప్రేక్షకుల్లో మంచి ఫాలోయింగ్ సంపాదించుకున్నాడు. ఇదిలా ఉంటే ఈ హీరో త్వరలోనే పెళ్లి పీటలెక్కనున్న విషయం తెలిసిందే.

తన మొదటి సినిమా హీరోయిన్‌నే ప్రేమించిన ఇతడు.. చాన్నాళ్ల పాటు సీక్రెట్‌ రిలేషన్ మెంటైన్ చేస్తూ వచ్చాడు. ఎట్టకేలకు ఈ ఏడాది మార్చిలో తన రిలేషన్ గురించి బయటపెట్టి.. సింపుల్ గా ఎంగేజ్ మెంట్ చేసుకున్నాడు. హైదరాబాద్ (Hyderabad) లో ఓ రిసార్ట్ లో  మార్చి 13న  వీరి నిశ్చితార్థ వేడుకలు ఘనంగా జరిగాయి. అయితే తాజాగా కిరణ్ అబ్బవరం పెళ్లి ఎప్పుడో తెలిసిపోయింది. అతనికి కాబోయే భార్యే పెళ్లి డేట్ ను లీక్ చేసేసింది.

Also Read : సూర్య మంచి మనసు.. ఫ్యాన్స్ తో కలిసి ఆ పని చేసిన హీరో, నెటిజన్ల ప్రశంసలు!

జూలై 15న కిరణ్ అబ్బవరం పుట్టినరోజు సందర్భంగా రహస్య (Rahasya) ఓ క్యూట్ రొమాంటిక్ వీడియోని పోస్ట్ చేసి మరీ విషెస్ చెప్పింది. అలానే భర్త అనే పిలిచేందుకు తెగ వెయిట్ చేస్తున్నానని, దీనికి మరో 38 రోజులే ఉందని రాసుకొచ్చింది. ఈమె చెప్పిన దానిబట్టి చూస్తే ఆగస్టు 22న కిరణ్-రహస్య పెళ్లి జరగనున్నట్లు అర్థమవుతుంది. రహస్య పెట్టిన ఈ పోస్ట్ ప్రస్తుతం నెట్టింట వైరల్ గా మారింది.