Health News : 30 ఏళ్లు దాటిన మగవారు ఈ విషయాల్లో జాగ్రత్తగా ఉండాలి

Health Care : 30 ఏళ్లు దాటిన మగవారైనా, ఆడవారైనా(30 Years Old Men Or Women) ఆరోగ్యంపై శ్రద్ధ వహిస్తే భవిష్యత్తులో ఆరోగ్య సమస్యల(Health Problems) నుంచి మిమ్మల్ని మీరు రక్షించుకోవచ్చు. నేటి యుగంలో జీవనశైలి(Life Style) కారణంగా యువత కూడా అనేక ఆరోగ్య సమస్యలను ఎదుర్కొంటున్నారు. సాధారణంగా 30 ఏళ్ల తర్వాత శరీరంలో రకరకాల మార్పులు చోటుచేసుకుంటాయి. ఎముకలు బలహీనపడటం ప్రారంభమవుతుంది. అలసట, ఒత్తిడి కారణంగా శక్తి తక్కువగా ఉంటుంది. ఆరోగ్యం కోసం కొన్ని జాగ్రత్తలను ఇప్పుడు తెలుసుకుందాం.

ప్రోస్ట్రేట్ క్యాన్సర్:

• ప్రోస్టేట్ అనేది పురుషులలో మూత్రాశయం కింద, పురీషనాళం ముందు ఉన్న ఒక చిన్న వాల్‌నట్ ఆకారపు గ్రంథి. 30 ఏళ్లు పైబడిన పురుషులకు ప్రోస్టేట్ క్యాన్సర్(Prostate Cancer) వచ్చే ప్రమాదం ఎక్కువగా ఉంటుంది. రాత్రిపూట తరచుగా మూత్రవిసర్జన చేయడం, మూత్రవిసర్జన చేసేటప్పుడు చికాకుగా అనిపించడం దీనికి సంకేతం. అలాంటి సమస్యను ఎదుర్కొంటుంటే వెంటనే వైద్యుడిని సంప్రదించాలి.

కండరాలు తగ్గిపోతాయి:

• సాధారణంగా 30 ఏళ్ల తర్వాత కండరాలు కుంచించుకుపోతాయి. ఇది నొప్పిని కలిగిస్తుంది. కాబట్టి క్రమం తప్పకుండా వ్యాయామం(Exercise), యోగా(Yoga) చేయడం వల్ల ఆరోగ్యంగా ఉంటారని నిపుణులు అంటున్నారు.

ఎముకలు బలహీనపడటం:

• 30 ఏళ్ల తర్వాత చాలా మందికి కాల్షియం, విటమిన్ డి(Vitamin D) లోపం ఏర్పడుతుంది. దీంతో ఎముకలు బలహీనపడతాయి. ఫ్రాక్చర్ ప్రమాదం పెరుగుతుంది. కాబట్టి క్యాల్షియం, విటమిన్ డి ఎక్కువగా ఉండే ఆహారాలను క్రమం తప్పకుండా ఆహారంలో చేర్చుకోవాలి. ప్రతిరోజు అరగంట సూర్యరశ్మిలో ఉండాలి.

ఊబకాయం:

• 30 ఏళ్ల తర్వాత వచ్చే మరో సమస్య ఊబకాయం. ఊబకాయం(Obesity) అనేక వ్యాధులకు ప్రధాన కారణం. ఎదుగుదల మందగించడం వల్ల 30 ఏళ్ల తర్వాత ఊబకాయం పెరుగుతుంది. కాబట్టి ఈ కాలంలో ఆహారం, వ్యాయామంపై దృష్టి పెట్టాలని వైద్యులు అంటున్నారు.

ఇది కూడా చదవండి:  కోపాన్ని అదుపు చేయడం ఎలా?.. ఒత్తిడిని తగ్గించే సింపుల్ చిట్కాలు

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.