/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/09/america.jpg)
Car Accident In Texas : అమెరికా (America) లోని టెక్సాస్‌ రాష్ట్రం అన్నాలోని రోడ్డు నెంబర్‌ 75లో జరిగిన రోడ్డు ప్రమాదం (Road Accident) లో నలుగురు భారతీయులు మృతి చెందారు. వీరిలో ఒకరు తమిళనాడు (Tamilnadu) వాసి కాగా..మిగిలిన ముగ్గురు హైదరాబాద్‌ (Hyderabad) కు చెందినవారు. ఈ ప్రమాదం శుక్రవారమే జరిగినప్పటికీ ఆలస్యంగా వెలుగులోకి వచ్చింది.
చనిపోయిన వారిలో హైదరాబాద్‌ కు చెందిన ఆర్యన్‌ రఘునాథ్‌, ఫరూఖ్‌, లోకేశ్‌ పాలచర్ల, తమిళనాడుకు చెందిన దర్శిని వాసుదేవన్‌ ఉన్నట్లు అక్కడి అధికారులు తెలిపారు. కార్‌ పూలింగ్‌ ద్వారా ఈ నలుగురు బెన్‌టోన్విల్లె ప్రాంతానికి వెళ్లేందుకు ఒకే వాహనంలో ఎక్కారని తెలిపారు.
వరుసగా 5 వాహనాలు ఒకదానినొకటి అతివేగంగా ఢీకొనడంతో ఈ ప్రమాదం జరిగినట్లు అధికారులు తెలిపారు. డల్లాస్‌ లో బంధువును కలిసి ఇంటికి వెళ్తున్న ఆర్యన్‌ రఘునాథ్‌, భార్యను కలిసేందుకు లోకేశ్‌, యూనివర్సిటీకి వెళ్తున్న దర్శిని, ఫరూఖ్‌ ఈ కారులో ఎక్కినట్లు సమాచారం.
వీరు ప్రయాణిస్తున్న వాహనానికి మంటలు అంటుకోవడంతో బయటకు రాలేకపోయినట్లు తెలుస్తోంది. వీరి మృతదేహాలు గుర్తు పట్టలేనంతగా కాలిపోవడంతో కార్‌ పూలింగ్‌ యాప్‌ లో నమోదైన వివరాల ఆధారంగా ప్రాథమిక నిర్థారణకు వచ్చినట్లు సమాచారం.
Also Read: 10 వేల అడుగుల ఎత్తు నుంచి పడి..ఆడి ఇటలీ అధినేత మృతి!