Watch Video: కొంపముంచిన మెడికల్ స్టూడెంట్స్‌ రీల్స్‌.. చివరికి..

38 Medical Students Suspended: ఇప్పుడు ప్రతిఒక్కరి చేతుల్లోకి స్మార్ట్‌ఫోన్లు వచ్చాక సోషల్ మీడియా వినియోగం విపరీతంగా పెరిగిపోయింది. రోజులో కొన్ని గంటల పాటు వాట్సాప్, ఫేస్‌బుక్‌, యూట్యూబ్‌, ఇన్‌స్టాగ్రామ్‌లలోనే జనాలు గడుపుతున్నారు. కొంతమంది తమ ప్రతిభను చూపించుకుని తమకంటూ ఓ గుర్తింపు తెచ్చుకుంటారు. మరికొందరు పాపులారిటీ కోసం వింత పనులు చేస్తూ హల్‌చల్‌ చేస్తుంటారు. ప్రస్తుతం సోషల్‌మీడియాలో రీల్స్‌ అనేవి ట్రెండంగ్‌లో ఉన్నాయి. ఈ రీల్స్‌ చేసి కూడా కొందరు తమ ఫాలోయింగ్‌ని పెంచుకుంటున్నారు. అయితే తాజాగా కర్ణాటలో (Karnataka) ఓ ఆసక్తికర ఘటన చోటుచేసుకుంది. కొందరు వైద్యవిద్యార్థులు ఏకంగా ఆసుపత్రిలోనే రీల్స్‌ (Reels) చేశారు.

Also Read: ‘ఛలో ఢిల్లీ’కి పిలుపునిచ్చిన రైతులు.. బార్డర్లు మూసేసిన ప్రభుత్వం

పర్మిషన్ తీసుకోలేదు

ఇక వివరాల్లోకి వెళ్తే.. గడగ్‌ ఇన్‌స్టిట్యూట్ ఆఫ్‌ మెడికల్ సైన్సెస్‌ (GIMS)లో చదువుతున్న38 మంది విద్యార్థుల శిక్షణ మరో 20 రోజుల్లో పూర్తి కానుంది. త్వరలోనే ఆ కాలేజీలో ఫ్రీ గ్రాడ్యుయేషన్ కార్యక్రమం జరగనుంది. దీనికోసం ఎలాంటి పర్మిషన్ తీసుకోకుండానే ఆ విద్యార్థులు ఆసుపత్రిలో రీల్స్‌ చేశారు. అయితే ఈ వీడియో వైరల్‌ అయింది. దీంతో విద్యార్థుల చర్యపై కళాశాల యాజమాన్యం ఆగ్రహం వ్యక్తం చేసింది.

విద్యార్థులకు ఫైన్ 

ఆసుపత్రిలో రీల్స్ చేసేందుకు విద్యార్థులకు యాజమాన్యం ఎలాంటి అనుమతి ఇవ్వలేదని కళాశాల డైరెక్టర్‌ డా.బసవరాజ్ అన్నారు. ఇలాంటి వాటిని తాము ప్రోత్సహించమని.. వాళ్లు ఏం చేయాలనుకున్న ఆసుపత్రి బయట చేయాలని అన్నారు. నిబంధనలు ఉల్లంఘించినందుకు.. వారికి జరిమానాతో పాటు ట్రైనింగ్‌ను (Training) మరో 10 రోజులు పొడగించామని తెలిపారు. ఇదిలాఉండగా.. ఇటీవల చిత్రదుర్గ అనే జిల్లాలో ఉన్న ఆసుపత్రిలో.. ఓ వైద్యుడు ఆపరేషన్ గదిలో తన ప్రీవెడ్డింగ్ షూట్ చేసిన సంగతి తెలిసందే. దీనిపై స్పందించిన కర్ణాటక వైద్యారోగ్య శాఖ మంత్రి దినేశ్ గుండురావ్ (Dinesh Gundu Rao) ఆగ్రహం వ్యక్తం చేశారు. వైద్యుడ్ని వెంటనే సర్వీస్ నుంచి డిస్మిస్ చేస్తున్నట్లు పేర్కొన్నారు.

Also Read: కాంగ్రెస్ ఎమ్మెల్యే ఇంట్లో ఈడీ సోదాలు.. ఎఫ్ఐఆర్ నమోదు