World Athletics Championships 2023 : గోల్డ్ మెడల్ సాధించిన తొలి భారతీయ అథ్లెట్‎గా నీరజ్ చోప్రా రికార్డ్..!!

World Athletics Championships 2023 : భారత స్టార్‌ జావెలిన్‌ త్రోయర్‌ నీరజ్‌ చోప్రా (Neeraj Chopra) మరోసారి భారత్ పేరు మారుమ్రోగించాడు. హంగేరీలోని (Hungary) బుడాపెస్ట్ వేదికగా జరుగుతున్న ప్రపంచ అథ్లెటిక్స్ ఛాంపియన్‌షిప్‌లో నీరజ్ చోప్రా స్వర్ణ పతకం (Gold Medal) సాధించి చరిత్ర సృష్టించాడు. జావెలిన్ త్రో ఫైనల్లో నీరజ్ చోప్రా 88.17 మీటర్లు విసిరి బంగారు పతకాన్ని కైవసం చేసుకున్నాడు. నీరజ్ చోప్రా తొలిసారి ఈ టైటిల్‌ను గెలుచుకున్నాడు. ఒలింపిక్ ఛాంపియన్ (Olympics) ఫైనల్‌లో మరో 11 మంది ఆటగాళ్లను ఓడించి బంగారు పతకాన్ని గెలుచుకున్నాడు. నీరజ్ చోప్రా ఈ పతకంతో పాటు భారత్‌కు తొలి పతకాన్ని అందించాడు. ఇంతకు ముందు ప్రపంచ ఛాంపియన్‌షిప్‌లో ఏ భారతీయ అథ్లెట్ స్వర్ణం సాధించలేదన్న సంగతి తెలిసిందే. 2022లో కేవలం రజత పతకంతో సరిపెట్టుకోవాల్సిన నీరజ్ ఈసారి మాత్రం తన పతకం రంగు మార్చుకోవడంలో సఫలమయ్యాడు.

ప్రపంచ అథ్లెటిక్స్ ఛాంపియన్‌షిప్ 2023లో, అందరి చూపు భారత్‌కు చెందిన నీరజ్ చోప్రా, పాకిస్థాన్‌కు చెందిన అర్షద్ నదీమ్‌ల (Arshad Nadeem)పై పడింది. ఈ క్రమంలో ఇద్దరు ఆటగాళ్ల మధ్య హోరాహోరీ పోరు కూడా జరిగింది. నీరజ్ చోప్రా 88.17 మీటర్లు త్రో చేయగా, అర్షద్ నదీమ్ తన చెవ్లిన్‌ను 87.82 మీటర్ల వరకు విసిరాడు. నీరజ్ తన జావెలిన్‌ను నదీమ్ కంటే కేవలం 0.37 మీటర్ల ఎత్తుకు విసిరి బంగారు పతకాన్ని గెలుచుకున్నాడు. ఫైనల్ మ్యాచ్‌కు ముందు, అర్షద్‌తో నీరజ్ చోప్రా గట్టి పోరాటాన్ని ఎదుర్కొనే అవకాశం ఉందని, అలాంటిదే జరిగిందని నమ్ముతారు. అయితే చివరికి ప్రతిసారీలాగే ఈసారి కూడా అర్షద్ నదీమ్‌ను నీరజ్ అధిగమించాడు.

ఇది కూడా చదవండి: ఢిల్లీ మెట్రో స్టేషన్‎లో ఖలిస్థాన్ నినాదాలు..జీ20 సమావేశాల వేళ టెన్షన్..!!

భారత స్టార్ అథ్లెట్ నీరజ్ చోప్రా ప్రపంచ అథ్లెటిక్స్ ఛాంపియన్‌షిప్‌లో తొలి స్వర్ణం సాధించి చరిత్ర సృష్టించాడు. అదే సమయంలో, అతని పేరు మీద అనేక రికార్డులు కూడా ఉన్నాయి. ప్రపంచ అథ్లెటిక్స్ చాంపియన్‌షిప్ చరిత్రలో రెండు పతకాలు సాధించిన తొలి అథ్లెట్‌గా నీరజ్ చోప్రా నిలిచాడు. అంతకుముందు 2005లో అంజు బాబీ కాంస్య పతకాన్ని గెలుచుకుంది. మొత్తంగా భారత్‌కు ఇప్పుడు మూడు పతకాలు వచ్చాయి. అదే సమయంలో, నీరజ్ కేవలం 25 సంవత్సరాల వయస్సులో ఒలింపిక్స్, డైమండ్ లీగ్, ఆసియా క్రీడలు, కామన్వెల్త్ గేమ్స్, ఇప్పుడు ప్రపంచ అథ్లెటిక్స్ ఛాంపియన్‌షిప్‌లో స్వర్ణం సాధించాడు. ప్రపంచ అథ్లెటిక్స్ ఛాంపియన్‌షిప్ 2023లో నీరజ్‌తో పాటు, కిషోర్ జినా, డిపి మను వరుసగా ఐదు, ఆరవ స్థానాల్లో నిలిచారు.