Raw Mango Benefits: వేసవిలో పచ్చి మామిడి తింటే ఏమవుతుంది?

Raw Mango Benefits: పండ్లలో మామిడి కాయలను రాజాగా పిలుస్తుంటారు. ఇవి ఎక్కువగా వేసవికాలంలో మనకి లభిస్తూ ఉంటాయి. ఇవి పసుపు, ఎరుపు రంగు కలిగి ఉంటాయి. పండ్లను తినడమే కాకుండా పచ్చి మామిడి కాయలను తినడం వల్ల కూడా అనేక లాభాలు ఉన్నాయి. పచ్చిమామిడి తినడం వల్ల ఎలాంటి ఉపయోగాలు ఉన్నాయో ఇప్పుడు తెలుసుకుందాం.

పచ్చిమామిడి జ్యూస్‌ని తాగితే శరీరానికి ఉత్సాహం

సాధారణంగా వేసవి కాలంలో డీహైడ్రేషన్‌ బారిన పడుతూ ఉంటాం. పచ్చిమామిడి జ్యూస్‌ని తాగితే వెంటనే మన శరీరం ఉత్సాహంగా మారుతుంది. అంతేకాకుండా మన శరీరం సోడియం క్లోరైడ్, ఐరన్‌ను కోల్పోకుండా దోహదం చేస్తుంది. ఎండాకాలంలో వడదెబ్బ తగలకుండా ఈ పచ్చి మామిడికాయలు నివారిస్తాయి. మంచి ఎనర్జీ డ్రింక్‌లా కూడా ఈ జ్యూస్‌ పనిచేస్తుంది. మన శరీరంలోని ద్రవాలు కోల్పోకుండా చేసి వేసవి తాపాన్ని అద్భుతంగా తగ్గిస్తుంది. ఇందులో ఉండే యాంటీ ఆక్సిడెంట్లు రోగనిరోధక శక్తినిగా బాగా పెంచుతాయి. సీజనల్‌గా వచ్చే జలుబు, దగ్గు, జ్వరం నుంచి ఉపశమనం లభిస్తుంది. పచ్చి మామిడి కాయల్లో ఫైబర్‌ కంటెంట్‌ ఎక్కువగా ఉంటుంది.

ఇది కూడా చదవండి: ఎత్తు పెరగకపోవడానికి కారణాలేంటి?..ఏం తింటే పెరుగుతారు?

ప‌చ్చి మామిడిలో మాంగిఫెరిన్ అనే యాంటీ ఆక్సిడెంట్‌, మెగ్నీషియం ఎక్కువగా ఉంటాయి. ఇవి మన గుండె ఆరోగ్యాన్ని ప‌రిర‌క్షిస్తాయి. అలాగే ఈ కాయల్లో పాలిఫినాల్స్ అనే యాంటీ ఆక్సిడెంట్లు ఉంటాయి. ఇవి క్యాన్సర్‌ రాకుండా చేస్తాయి, అంతేకాకుండా వాపులను కూడా తగ్గిస్తాయి. శరీరంలోని క‌ణాలను కాపాడుతాయి. ప‌చ్చి మామిడిలో సి విటమిన్‌ ఎక్కువగా ఉండటం వల్ల దంతాలు, చిగుళ్లలో ఉన్న ఇబ్బందులు తగ్గిపోతాయి. చిగుళ్లలోంచి రక్తం కారడం తగ్గిస్తుంది. అంతేకాకుండా మన శరీరంలోని రక్తాన్ని శుద్ధి చేస్తుంది. ప‌చ్చి మామిడి కాయలు తింటే మన కళ్లలో రెటీనా బాగుంటుంది. రక్తంలో గడ్డలు ఏర్పడకుండా నిరోధిస్తుంది. చర్మం, జుట్టుకు కూడా మేలు కలిగించే అనేక పోషకాలు పచ్చి మామిడిలో ఉంటాయి. దీంతో చర్మం కాంతి వంతంగా మారడమే కాకుండా జుట్టు కూడా ఒత్తుగా పెరుగుతుంది. అలాగే లివర్‌లో ఉండే వ్యర్థాలు కూడా బయటికి పోతాయి. పచ్చిమామిడి శరీరంలోని చెడు కొవ్వులను తగ్గిస్తుంది. ఇందులో ఫైబర్‌ ఎక్కువగా ఉండటం వల్ల అధిక బరువు కూడా తగ్గుతారు.