Tea: వేసవిలో రోజుకు 3 కప్పుల కంటే ఎక్కువ కాఫీ లేదా టీ తాగితే ఏం జరుగుతుంది?

Coffee or Tea: చాలా మందికి ఉదయాన్నే కాఫీ లేదా టీ తాగే అలవాటు ఉంటుంది. అయితే రోజుకు 3-4 సార్లు కంటే ఎక్కువ కాఫీ లేదా టీ తాగే అలవాటు కలిగి ఉంటే చాలా దుష్ప్రభావాలు ఉంటాయని ఆరోగ్య నిపుణులు చెబుతున్నారు. ఆందోళన, నిద్రలేమి, తలనొప్పి సమస్యలు ఉంటాయని అంటున్నారు. నిపుణుల అభిప్రాయం ప్రకారం టీ, కాఫీ రెండింటిలో కెఫిన్ ఉంటుంది. ఇది మెదడును శక్తివంతం చేస్తుంది. అంతేకాకుండా మెలకువగా ఉండటానికి, అలసట రాకుండా నిరోధించడానికి సహాయపడుతుంది. కాఫీ అనేది భాస్వరం, మెగ్నీషియం, యాంటీఆక్సిడెంట్ల సహజ మూలం. అద్భుతమైన ఆరోగ్య ప్రయోజనాలను అందిస్తుంది.

టీ, కాఫీ ఎక్కువగా తాగడం వల్ల నష్టాలు:

• కెఫీన్ చురుకుదనాన్ని పెంచుతుంది. అడెనోసిన్ ప్రభావాలను నిరోధించడానికి పనిచేస్తుంది. ఇది మిమ్మల్ని అలసిపోయేలా చేస్తుంది. అయితే రెండు కప్పుల కంటే ఎక్కువ తీసుకుంటే ఆడ్రినలిన్ విడుదలను ప్రేరేపిస్తుంది. ఇది ఆందోళనకు దారి తీస్తుందని నిపుణులు అంటున్నారు.

నిద్రలేమి:

• టీ, కాఫీ ఎక్కువసేపు నిద్రలేకుండా చేస్తాయి. అధ్యయనాల ప్రకారం అధిక కెఫిన్ వినియోగం నిద్రలేమికి దారి తీస్తుందని నిపుణులు చెబుతున్నారు.

జీర్ణ సమస్యలు:

• ఏమీ తినకుండా టీ లేదా కాఫీ తాగితే గ్యాస్ట్రిక్ వాల్యూమ్‌ను పెంచుతాయి. ఇది దీర్ఘకాలంలో జీర్ణ సమస్యలకు దారితీస్తుంది. పెద్ద మొత్తంలో కెఫీన్ తీసుకోవడం వల్ల కొందరిలో విరేచనాలు అవుతాయని నిపుణులు చెబుతున్నారు.

కండరాల విచ్ఛిన్నం:

• అధిక టీ, కాఫీ రాబ్డోమియోలిసిస్‌కు కారణం అవుతుందని నిపుణులు హెచ్చరిస్తున్నారు. కండరాలు బలహీనపడతాయని, మూత్రపిండాల వైఫల్యం, ఇతర సమస్యలకు కారణమవుతాయని చెబుతున్నారు.

అధిక రక్త పోటు:

• కెఫిన్‌ రక్తపోటు స్థాయిలను పెంచుతుంది. అధ్యయనాల ప్రకారం.. అధిక రక్తపోటు, గుండెపోటు, స్ట్రోక్‌కు కారణమవుతుందని తేలింది. అంతేకాకుండా ఇది కాలక్రమేణా ధమనులను దెబ్బతీస్తుంది. గుండె, మెదడుకు రక్త ప్రవాహాన్ని తగ్గిస్తుందని నిపుణులు అంటున్నారు.

ఇది కూడా చదవండి: రాగి ఆభరణాలు వేసుకుంటే చర్మం ఎందుకు పచ్చగా మారుతుంది?

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.