Video Viral: రియల్‌ హీరో.. చేతులు లేకపోయినా తగ్గేదే లే

Video Viral: అన్ని అవయవాలు సరిగా ఉన్నా పనిచేయాలంటే చాలా మందికి బద్ధకం. సమయానికి ఇంత తిని.. పనిచేయకుండా చక్కగా పడుకుంటారు. రానురాను చాలామందితో సోమరితనం పెరిగిపోతోంది. అయితే ఒక డెలివరీ బాయ్‌ రెండు చేతులు లేకపోయినా అందరికీ ఆదర్శంగా నిలుస్తున్నాడు. చేతులు లేకుండానే స్కూటీ నడుపుతూ పైగా డెలివరీలు కూడా ఇస్తున్నాడు. ఇది చూసిన వారంతా రియల్‌ హీరో అంటూ పొగడ్తలతో ముంచెత్తుతున్నారు. ఈ వీడియో సోషల్‌ మీడియాలో వైరల్‌గా మారింది. 

చిరునవ్వుతో ఆయన తల ఊపుతూ..

Xలో ఒక వ్యక్తి ఈ వీడియోను షేర్‌ చేయడంతో లక్షల్లో లైక్‌లు వేలల్లో షేర్లు వస్తున్నాయి. డెలివరీ బాయ్‌ని వీడియో తీసిన వ్యక్తి స్కూటీని చేతులు లేకుండా ఎలా నడుపుతారు అంకుల్‌ అని అడితే.. దానికి చిరునవ్వుతో ఆయన తల ఊపుతూ నడుపుతానని చెప్పాడు. మిమ్మల్ని చూస్తుంటే చాలా గర్వంగా ఉందని అనడంతో నవ్వుకుంటూ డ్రైవ్‌ చేస్తూ అక్కడి నుంచి వెళ్లిపోయాడు. రెండు చేతులు లేకపోయినా ఆత్మవిశ్వాసంతో పనిచేస్తున్న ఆ వ్యక్తిపై నెటిజన్లు ప్రశంసలు కురిపిస్తున్నారు. 

చిన్నపాటి లోపానికే చేతులు ముడుచుకుని ఇంట్లో కూర్చుంటున్న ఈ రోజుల్లో ఇలా ఆత్మవిశ్వాసంతో ముందడు వేసిన రియల్‌ హీరో అంటూ మెచ్చుకుంటున్నారు. అతని సంకల్పానికి డెలివరీ సంస్థ చేదోడు తోడైందంటూ మరికొందరు కామెంట్లు చేస్తున్నారు. కొందరు అన్నీ ఉన్నా ఏడుస్తూ ఇంట్లో కూర్చుంటారని, ఇతని ధైర్యానికి, ప్రయత్నానికి హ్యాట్సాఫ్‌ అంటూ కొందరు యూజర్లు అంటున్నారు.

ఇది కూడా చదవండి: బ్యాట్‌ విరగ్గొట్టిన కోహ్లీ.. ఎందుకంటే?