చిరు పేరుతో క్రాఫ్‌పై స్పందించిన వైష్ణవ్‌ తేజ్.. అదొక చేదు జ్ఞాపకం అంటూ

మెగాస్టార్ చిరంజీవి క్యారెక్టర్ పై యంగ్ హీరో, చిరు అల్లుడు వైష్ణవ్‌ తేజ్ ఆసక్తికర కామెంట్స్ చేశారు. అప్ కమింగ్ మూవీ ‘ఆదికేశవ’తో త్వరలో ప్రేక్షకుల ముందుకు రాబోతున్న మెగా హీరో తన సినిమాను జోరుగా ప్రచారం చేస్తున్నారు. ఈ క్రమంలోనే రీసెంట్ గా ఓ ఇంటర్వ్యూలో పాల్గొన్న వైష్ణవ్ మూవీ విశేషాలతోపాటు తన నెత్తిలో చిరు పేరును క్రాఫ్‌ చేయించుకోవడంపై ఆసక్తికరమైన విషయాలు షేర్ చేసుకున్నారు.

శ్రీకాంత్‌ ఎన్‌.రెడ్డి దర్శకత్వంలో తెరకెక్కిన ఈ చిత్రంనుంచి ఇటీవల రిలీజ్ అయిన ట్రైలర్ కు వచ్చిన స్పందన పాజిటివ్ ఎనర్జీని ఇచ్చింది. ఈ సినిమా అన్ని వర్గాల ప్రేక్షకులను అలరిస్తుందన్నారు. ఇక క్రాఫ్ గురించి మాట్లాడుతూ.. 'పెద్ద మామయ్య చిరంజీవి పుట్టినరోజుకు అందరూ బహుమతులు తెచ్చారు. సాయి ధరమ్‌ తేజ్ పెద్ద కత్తిని గిఫ్ట్‌గా ఇచ్చాడు. నేను మాత్రం ఆయనకు నా ప్రాణం తప్ప ఏమీ ఇవ్వగలను అని అనిపించింది. దీంతో సర్‌ప్రైజ్‌ చేద్దామని చిరు అని వచ్చేలా క్రాఫ్‌ చేయించుకున్నా. ఇక మా ఇళ్లలో ఏ వేడుక జరిగినా రామ్‌ చరణ్‌ అందరినీ అలరిస్తాడు. ఎంతో హుందాగా ఉంటాడు. మా అన్నయ్య సాయిధరమ్‌ తేజ్ బాగా అల్లరి చేస్తాడు. తన యాక్సిడెంట్‌ మా అందరికీ ఒక చేదు జ్ఞాపకం. దాన్ని మేమంతా ఎప్పుడో మర్చిపోయాం' అంటూ వైష్ణవ్ చెప్పుకొచ్చారు.

Also read :తండ్రి ఉద్యోగం కోసం తనయుడి దారుణం.. కిరాయి గుండాలతో కలిసి

ఇక నవంబర్‌ 24న ప్రేక్షకుల ముందుకు రాబోతున్న సినిమాలో శ్రీలీల హీరోయిన్ గా నటించింది. సితార ఎంటర్టైన్మెంట్స్, ఫార్చూన్ ఫోర్ సినిమాస్, శ్రీకర స్టూడియోస్ సంస్థలపై నాగవంశీ, సాయి సౌజన్య ప్రతిష్టాత్మకంగా నిర్మించగా జీవీ ప్రకాష్ కుమార్ సంగీతం అందించారు.